هيروح في حتة تانية خالص.. أسعار الذهب المتوقعة في ظل تهديدات ترامب

يا ترى أسعار الدهب رايحة على فين، هل في ارتفاعات تانية الفترة الجاية ولا المعدن النفيس هيميل للانخفاض، وإيه علاقة الأسعار بتصريحات الرئيس الأمريكي دونالد ترامب بخصوص الرسوم الجمركية.

في الأيام الأخيرة، وتحديدا مع بداية شهر فبراير الحالي، أسعار الدهب العالمية ارتفعت، عشان تسجل مستوى تاريخي جديد، عشان كده زادت المخاوف من عدم الاستقرار في الأسواق المالية بسبب ارتفاع الدهب.

تراجع سعر الدولار بعد تصريحات رئيس الفيدرالي الأمريكي بشأن الفائدة

الدولار يواصل ارتفاعه أمام الجنيه في البنك المركزي المصري بنهاية تعاملات اليوم

وأكتر الأسباب اللي ساهمت في رفع أسعار الدهب، كانت سياسات وتصريحات الرئيس الأمريكي دونالد ترامب، الخاصة بالتعريفات أو الرسوم الجمركية الجديدة اللي هيفرضها على عدد من الدول بينها كندا والصين، وده بالإضافة إلى عودة التوترات الجيوسياسية في منطقة الشرق الأوسط.

عشان كده في الأيام الأخيرة، ارتفع سعر أونصة الذهب العالمي بنسبة 0.1%، بعدما كانت سجل أعلى مستوى تاريخي جديد عند 2942 دولار عشان يتم التداول عند 2904 دولار.

وحاليا، المستثمرين اتجهوا لشراء الدهب عشان هو ملاذ آمن وسط حالة عدم اليقين المتزايدة خاصة مع إطلاق ترامب لمجموعة من التعريفات التجارية، وكمان تهديده  بمزيد منها في المستقبل، خاصة بعد ما فرضت أمريكا تعريفة جمركية بنسبة 25% على واردات الألمنيوم والصلب  الأسبوع ده ، وده ساهم في إلغاء الإعفاءات للموردين الرئيسيين زي كندا والبرازيل.

كمان، ترامب فرض تعريفة جمركية شاملة بنسبة 10% على الواردات من الشريك التجاري الأول الصين، وهدد برضو بفرض حاجز بنسبة 25% على جميع الواردات من كندا والمكسيك، كل ده بجانب اقتراح فرض تعريفات جمركية جديدة على واردات السيارات ورقائق الكمبيوتر والأدوية.

ونقدر نقول إن التعريفات الجمركية المتزايدة واحتمالات الإجراءات الانتقامية اللي بتلجأ لها الدول التانية حاليا، بتهدد بتباطؤ نمو الاقتصاد العالمي وارتفاع معدلات الأسعار والتضخم، وده دفع المستثمرين للدهب كملاذ آمن، عشان كده ظهر في تزايد الاستثمار في الصناديق المتداولة في البورصة، وصندوق SPDR Gold Trust اللي بيعتبر أكبر صندوق متداول في البورصة للدهب، خاصة وإنه شهد ارتفاع ل 27.92 مليون أونصة في 7 فبراير، بزيادة 1.3% من أدنى مستوى له مؤخرًا عند 27.55 مليون في 27 يناير.

والتوترات الجيوسياسية المتزايدة ساهمت على زيادة الطلب على الدهب، عشان كده الأسعار بقت في الطالع، وفي توقعات تانية بتقول إن الأسعار هتشهد ارتفاعات متتالية ومش هتنزل تاني.

وكان مجلس الذهب العالمي، أعلن عن ارتفاع التدفقات الداخلة لصناديق الاستثمار العالمية المتداولة في الدهب خلال شهر يناير بمقدار 34.5 طن من الدهب، وهو ارتفاع للشهر الثاني على التوالي، وجه الارتفاع بقيادة صناديق المنطقة الأوروبية اللي شهدت تدفقات داخلة بمقدار 39 طن ذهب، في الوقت اللي شهدت فيه الصناديق في أمريكا الشمالية تدفقات خارجة بحوالي 5.9 طن ذهب.

وحاليا، ارتفعت أحجام تداول الدهب العالمية بنسبة 20% في يناير، مدفوعة بزيادة أحجام التداول، عشان كده متوقع تحصل زيادة في الفترة الجاية، فلو معاك دهب اوعى تفرط فيه.