تقرير دولي جديد يوثق انجازات السيسي ويقهر إعلام الشر
اللي بيحصل دا عمظمة وبيفسر ليه كل تحالفات الشر بتحقد على الدولة المصرية.. تعالو نشوف آخر الأرقام اللي حرقت إعلام الفتنة وقهرت مؤامرات التشكيك والتحريض وازاي مصر كل يوم بتسجل إنجاز جديد وعالمي.. خليكم معانا للآخر وهتعرفوا التفاصيل في التقرير ده.
قبل 10 سنين لو فاكرين كانت شبكان الطرق والنقل في مصر مرافق شبه ميتة وخاصة في قطاع السكة الحديد واللي اتحولت لنعوش من حديد للمصريين وكلنا فاكرين حوادث القطارات الفظيعة اللي حصلت بسبب الإهمال وعدم الصيانة وعدم تحديث القطارات أو المحطات والمزلقانات واعتماد المرفق الحيوي دا اللي بينقل ملايين المصريين كل سنة على وسائل بدائية في تسيير القطارات وكان لو عامل المزلقان نام تحصل كارثة يروح فيها المئات من الركاب وكانت حجة الحكومات السابقة وقبل عصر السيسي بتتحجج بضعف الإمكانيات المادية والتكنولوجية..
اللي حصل في السكة الحديد تحديداً وفي قطاع النقل والطرق بكل عناصره في عهد الرئيس السيسي إنجاز غير مسبوق ونقدر نقول إن القطاع كله اتهد واتعمل من جديد وعلى أحدث النظم العالمية وشفنا إزاي مصر قدرت تعمل مرفق نقل حديث بقى حديث الأوساط الاقتصادية في العالم ولأول مرة مصر تعرف القطارات السريعة والمنوريل والقطار الخفيف وقطارات المترو الخضراء لكن دا مجاش من فراغ والدولة صرفت حوالي 2 تريليون جنيه على قطاع النقل لوحده زي ما قال الرئيس السيسي من كام يوم.
النهاردة الأرقام اللي بتتكلم مش الحكومة والأرقام دي صادرة من منظمات وهيئات عالمية متخصصة في مجال النقل واللي وثقت حجم الإنجاز في قطاع النقل المصري واللي بقى بينافس ويتفوق في جودته شبكات النقل والطرق في اكتر الدول تقدما زي إن تقدم مصر 100 مركز في الترتيب العالمي لمؤشر جودة الطرق محتلة المركز 18 عالميا، خلال 10 سنين بفضل المشروع القومي للطرق بحسب مؤشر الطرق العالمي.
الجديد بقي إنه من ساعات صدر تقرير دولي جديد بمثابة شهادة توثيق لحجم الإنجاز اللي حصل في عهد الرئيس السيسي بمجال النقل ودا بعد قفزة خدمة القطارات في مصر 28 مركز عالمياً لتصبح في المرتبة 20 عالميًا خلال عام 2024 بعدما كانت في المرتبة 48 في عام2019 ودا حسب مؤشر كفاءة خدمات القطارات، وهو أحد المؤشرات الفرعية لمؤشر تنمية السياحة والسفر، ويقيس (معدل تردد القطارات - مدى الالتزام بالمواعيد - السرعة - التكلفة) لخدمات القطارات والترتيب الأخير لقطاع السكة الحديد بيخرس منصات الشر وبياكد ان البلد ماشية على طريق التنمية المستدامة والشاملة وزي ما احنا عارفين قطاع النقل والطرق ومعاه المواني من أهم قطاعات الاقتصاد اللي بتجذب المستثمرين الأجانب لعمل مشروعات في مصر.
ومصر بتعول على تطوير قطاعات النقل سواء البري أو الجوي كأحد العوامل المحفزة للقطاع السياحي وزيادة حركة التدفقات السياحية الوافدة وفي مقدمة القطاعات التي تعمل وزارة النقل المصرية على تطويرها قطاع السكك الحديدية واللي تتجاوز الاستثمارات التي هيتم ضخها خلال العام المالي الجاري أكتر من 10 مليار جنيه ودا غير ال2 تريليون جنيه اللي انصرفت قبل كده على تطوير المحطات والقطارات وأنظمة الاتصالات والأمان والإشارات واللي حولت القطاع إلى قطاع آلي لتقليل الحوادث لادني مستوى وفق المعايير الدولية
وبفضل تطور قطاع النقل بكل أنواعه وخاصة الجوي من مطارات وطائرات وسكك حديد متطورة ارتفعت التدفقات السياحية الوافدة لمصر في السنة اللي فاتت إلى 15.7 مليون سائح مقابل 14.9 مليون سائح خلال 2023، بينما حقق القطاع 14.4 مليار دولار بنمو لامس 8% عن العام السابق.
