باب دولاري جديد لمصر من صادرات الذهب.. شوف إيه الحكاية ؟
الدهب واحد من الحاجات المهمة اللي بتصدرها مصر ومصر عندها خطة أنها توصل بصادرات الذهب لرقم قياسي بحيث يتحول إلي مصدر دولار لمصر.. ياتري اية هيا خطة الدولة لزيادة صادرات الذهب.. ومصر مستهدفة توصل لكام من صادرات الذهب.
علي طول التاريخ والذهب بيعد واحد من أهم أدوات الاستثمار اللي المستثمرون بيستخدموه لتحقيق أهدافهم المالية، خصوصا أن الذهب له مميزات كتيرة بتخلي الاستثمار فيه خيار أفضل من قطاعات كتيرة، والاستثمار فى المعدن الأصفر علي طول الزمن بيعد وسيلة للربح خصوصا أن الذهب بيعد ملازم أمن وطول الوقت كسبان واللي بيراهن علي الذهب عمره ما بيخسر، والذهب حتي في فترات تراجع سعره بيحافظ علي قيمته ويحافظ علي الفلوس، واغلب الناس اللي بتدور علي الاستثمار بيكون اتجاها للذهب خصوصا أنه بيكون محفظة استثمارية قوية ووسيلة للادخار.
طيب اية هيا خطة الدولة لزيادة الاستثمار وتصدير الذهب؟.
إيهاب واصف رئيس شعبة المعادن الثمينة في اتحاد الصناعات المصرية، قال أن الشعبة حطت استراتيجية شاملة لزيادة صادرات الذهب والمشغولات الذهبية المصرية في السنين اللي جاية، والاستراتجية دي بتستهدف تحقيق نمو سنوي مش هيقل عن 15%، وده واحد من توجهات الدولة المصرية لتويع مصادر الدخل وتعزيز الاقتصاد الوطني وزيادة الحصيلة الدولارية من المنتجات المصدرة واستغلال القدرات الإنتاجية المتطورة لمصانع الذهب في مصر.
رئيس شعبة المعادن، قال كمان أن قطاع الذهب بيعد واحد من أهم القطاعات الواعدة اللي ممكن تساهم بشكل كبير في تحقيق الرؤية الحكومية اللي بتستهدف الوصول بالصادرات المصرية لـ145 مليار دولار بحلول 2030، شعبة المعادن الثمينة بتدعم خطط الدولة لتحقيق خطتها لزيادة الصادرات.
الاستراتيجية الجديدة لزياجدة صادرات الذهب بتستهدف تبسيط الإجراءات والحد من البيروقراطية اللي بتواجه المصدرين في قطاع المشغولات الذهب، وتقديم الحوافز والتسهيلات اللازمة لدعم صادرات الذهب زي تخفيض رسوم التثمين وتقديم الدعم اللوجستي واستمرار رفع جودة المنتجات الذهبية المصرية لتلبية المعايير الدولية، والحصول على الشهادات المطلوبة لدخول الأسواق العالمية، ومصانع الذهب حاليا في مصر بدأت بتطوير الإنتاج بصورة مستمرة، وبقي عندنا منتجات بمواصفات عالمية مصنوعة بفكرة وجودة وأنتاج مصري.
رئيس شعبة المعادن قال أن الهدف الأهم للاستراتيجية هو زيادة الإيرادات الدولارية من صادرات الذهب وتعزيز مكانة مصر كمركز إقليمي لصناعة الذهب خصوصا مه اتجاه الدولة لبناء مدينة مصرية لصناعة الذهب، والهدف ده هيحول الاستراتيجية لقاعدة انطلاق لبناء مدينة لصناعة الذهب.
إيهاب وصفي، قال أن الشعبة بدأت تشتغل علي تنفيذ بنود الاستراتيجية من خلال تنويع الأسواق المستهدفة لصادرات الذهب المصرية، والمشاركة في المعارض الدولية والترويج للمنتجات المصرية في الخارج، وبناء علاقات تجارية قوية مع الدول المستوردة للذهب خصوصا في آسيا وأوروبا والدول العربية، والهدف من كل الجهود دي هو زيادة صادرات مصر من الذهب، ويكون لمصر مصدر دولاري جديدة من تصدير المشغولات الذهبية.
