خبر سعيد لـ 11 مليون صاحب معاش.. شوف اللي هيحصل
يا ترى إيه الخبر السعيد اللي بينتظر 11 مليون مواطن من أصحاب المعاشات في مصر، هل هو مرتبط بزيادة جديدة هتقرها الحكومة قريب ولا خدمة تانية مختلفة، طب لو فعلا زيادة امته هتطبق، وهل هتكون لجميع أصحاب المعاشات ولا لفئات معينة.
مع بداية سنة 2025، أصحاب المعاشات منتظرين خبر سعيد أو إقرار زيادة أو خدمة جديدة، وطبعا الحكومة المصرية جهزت مفاجأة لهم عشان تفرحهم وتخفف عنهم الغلاء وارتفاع أسعار السلع.
وفي الساعات الأخيرة، المحكمة الإدارية العليا بمجلس الدولة، أقرت مبدأ قانوني مهم يخص حقوق التأمين الصحي لأصحاب المعاشات والمستفيدين منها، واللي هدفها حماية حقوق المرضى وضمان حصولهم على الرعاية الصحية اللازمة.
والقرار ده قرار زي ما قولنا بيتعلق بالتأمين الصحي وتأمين المرض، لأن القانون بينص على أن التمويل الخاص بالتأمين الصحي يتم من خلال حصة تقدر بنسبة 1% من المنتفعين بأحكام العلاج والرعاية الطبية، وبنسبة 2% من المستحقين المنتفعين وفقًا لأحكام العلاج.
وحسب حكم المحكمة، فالقانون بيلزم الهيئة المعنية بالتأمين الصحي بتقديم العلاج اللازم للمصاب أو المريض ورعايته طبيا لحد ما يتم شفائه، أو لحد ما يُثبت العجز.
ووفقا للمادة 78 من القانون، فالجهة المختصة بصرف تعويض الأجر، هتتكلف بمصروفات انتقال المريض، ولو كان مكان العلاج خارج المدينة اللي بيقيم فيها، فبيُسمح باستخدام وسائل الانتقال العادية، أما في حالة عدم ملاءمة الحالة الصحية للمريض، فهنا بيتم استخدام وسائل الانتقال الخاصة بناءً على قرار الطبيب المعالج.
كمان في قرار مرتقب بينتظره أصحاب المعاشات واللي هيكون يوم 27 يناير الحالي، وهو جلسة الحكم في دعوى تنفيذ حكم المحكمة الإدارية العليا الصادر بإلزام الحكومة بتدبير وتنفيذ حكم العلاوات الخاصة بأصحاب المعاشات، وهي الدعوى اللي أقامها أحمد العرابي الرئيس الحالي لاتحاد المعاشات.
وكانت هيئة مفوضي الدولة بالمحكمة انتهت من وضع تقريرها بالرأي القانوني في الدعوى، وبعدين أحالتها إلى المحكمة للرد عليههة سواء من أصحاب المعاشات أو من دفاع الحكومة.
والدعوى دي بتتضمن أحقية أصحاب المعاشات في تسوية معاش الأجر المتغير باحتساب 80% من العلاوات الخاصة، ضمن مبالغ المحسوب عليها معاش الأجر المتغير، يعني في فلوس محترمة جاية لملايين المستحقين للمعاشات خلال السنة دي، وقريب جدا هيحصل الخبر السعيد وهيتم تطبيقه بشكل رسمي.
فلو حضرتك من أصحاب المعاشات، جهز نفسك كويس في 2025، سواء للزيادة الجديدة أو للخدمة الطبية اللي أقرتها المحكمة.
