وفرنا 1.5 مليار دولارفي 6 شهور .. شوف الدولة بتعمل إيه في الاكتشافات البترولية الجديدة
عام 2025 جاء ومعاه طموحات جديدة للدولة المصرية، واحد من الطموحات المهمة هيكون من قطاع البترول واللي للاسف الدولة في السنين اللي فاتت اخفقت في زيادة الاكتشافات الأثرية.. وده اللي اضطر الدولة أنها تتجه للاستيراد بعد ما كنا بنصدر.. ياتري اية خطة الدولة لزيادة الاكتشافات البترولية في 2025
الحكومة المصرية عندها شغل كتير جدا في كل المجالات في السنة الميلادية الجديدة، خصوصا أن سنة 2024 مصر واجهت فيها تحديات اقتصادية كبيرة، وعلشان نتخطي التحديات دي اتجهنا لفتح التصدير لسد احتياجات السوق المحلية واحد من الحاجات اللي فتحنا فيها الاستيراد هيا البترول خصوصا الغاز الطبيعي واللي كنا بنصدره للخارج لحد وقت قريب جدا وتحديدا لحد سنة 2022.
التحديات اللي موجودة علي الحكومة واللي كل وزير علي راس وزارته أخذ تكليفات مباشرة من القيادة السياسية فيها بتعزيز النمو المصري وتشجيع الانتاج المحلي كان ابرزها قطاع البترول واللي كان عندها مشاكل كتيرة مع الشركات الاجنبية اللي بتقوم بانشطة البحث والاكتشافات البترولية في مصر، والمشاكل دي كانت اغلبها بسبب تاخر حصولهم علي فلوسهم اللي موجودة في مصر، وعلشان كده اغلب الشركات الأجنبية العاملة في مصر وقفت شغلها وعلقت عمليات البحث والتنقيب عن آبار البترول.
طيب اية اللي بتعمله الحكومة لزيادة الاكتشافات البترولية في 2025؟.
الدولة المصرية في الكام شهر اللي فاتوا وتحديدا بعد اعادة تشكيل الحكومة الجديدة برئاسة الدكتور مصطفي مدبولي بدأت تسدد مستحقات الشركات الاجنبية العاملة في مجالات البحث والتنقيب عن البترول والغاز الطبيعي، والهدف من القرار ده هو تشجيع الشركات الأجنبية علي عودة استئناف عملها في التنقيب عن آبار البترول الجديدة خصوصا أن الدولة انفقت مبالغ كبيرة جدا لسد بند واحد من الخدمات اللي بيقوم شغلها علي البترول وهيا ومحطات توليد الكهرباء واللي الدولة خصصت لهم مليار و200 مليون دولار علشان تستورد الوقود اللازم لسد احتياجات محطات التوليد بس .
المهندس كريم بدوي وزير البترول والثروة المعدنية، قال أن أهم ملامح العمل في الوزارة في 2025 قائمة علي تسريع وتيرة أنشطة الإنتاج، وتعويض التناقص الطبيعي وزيادة الإنتاج وخفض الفاتورة الاستيرادية وتعجيل أنشطة الاستكشاف، وتعظيم استغلال الطاقات بمعامل التكرير زي معمل تكرير ميدور ومصانع البتروكيماويات لتعظيم القيمة المضافة وزيادة عوائد التصدير.
وزير البترول والثروة المعدنية كمل كلامه وقال أن الدولة أطلقت البوابة الإلكترونية للثروة المعدنية وطرحت عدد من المناطق للتعدين لجذب الاستثمارات، وقال أن ضخ الاستثمارات هيزيد الإنتاج ويقلل الفاتورة الاستيرادية في القطاع، وأن عام 2025 هيشهد زيادة في الإنتاج المحلي وزيادة الاستكشاف وتعظيم البنية التحتية والقيمة المضافة.
وزير البترول قال كمان، ن زيادة الإنتاج وفر ما يقرب من مليار ونصف مليار دولار في الـ 6 شهور اللي فاتوا، وأكد أن الدولة مهتمة حاليا بزيادة تحويل عمل السيارات بالغاز الطبيعي، والهدف من الخطوات دي كلا هو تقليل فاتورة الاستيراد وجذب استثمارات جديدة في قطاع البترول والثروة المعدنية.
