خطة حكومية جديدة لزيادة ايرادات المصريين العاملين بالخارج.. شوف اية الحكاية
الدولة المصرية حاليا بتقدم مبادرات غير مسبوقة لكل المصريين وخصوصا المصريين العاملين بالخارج.. والدولة حاليا اطلقت مبادرة جديدة هتغير شكل الاقتصاد المصري بشكل عام وهتكون باب دولاري جديد للدولة المصرية.. ياتري اية هيا المبادرة دي واية تفاصليها وازاي المواطنين يقدروا يستفيدوا منها ويشاركوا فيها.
الدولة المصرية علي مدار الفترات اللي فاتت كانت بتراهن علي المصريين بالخارج واللي فعلا كسبوا الرهان وده بالارقام واصبحوا في الوقت الحالي جزء مهم من ايرادات مصر الدولارية وتحويلاتهم في البنوك الرسمية تخطت كل التوقعات وده بعد القرارات اللي كان لها مفعول السحر واللي اخذتها الدولة في شهر مارس 2024، واللي كانت خاصة بتحرير سعر الصرف بشكل مرن في مصر، وده اللي قضي بشكل رسمي علي وجود سعرين للصرف في مصر، وكان معاه نهاية السوق السودا في تجارة العملات، والقرار ده رجع كل تحويلات المصريين للقنوات الشرعية بعد ما كان كلها رايحة للسوق السوداء في التجارة بالعملات.
البنك المركزي من كام ساعة أعلن في بيان مهم جدا، أكد فيه أن تحويلات المصريين العاملين بالخارج حققت قفزات متتالية عقب الإجراءات الإصلاحية اللي اخذتها الدولة في مارس 2024، وارتفعت في شهر أكتوبر اللي فات بمعدل 68.4% وسجلت 2.9 مليار دولار مقابل نحو 1.7 مليار دولار خلال شهر أكتوبر 2023.
البنك قال كمان في تقريره، أن تحويلا المصريين العاملين بالخارج شهدت زيادة في الفترة من يوليو الي أكتوبر 2024 ارتفاعاً بمعدل 80.0% وسجلت 11.2 مليار دولار مقابل نحو 6.2 مليار دولار، والفترة من يناير وحتي أكتوبر 2024، تحويلا المصريين العاملين بالخارج سجلت ارتفاع بمعدل 45.3% وسجلت 23.7 مليار دولار مقابل نحو 16.3 مليار دولار.
طيب اية المفاجاة الجديدة اللي الدولة جهزتها للمصريين العاملين بالخارج؟
الدولة حاليا عايزة تكمل المشوار اللي بداته مع المصريين العاملين بالخارج علشان تحفز الاستثمارات المرة دي من قطاع الاسكان، والدولة إطلقت مبادرات متعددة لتسهيل امتلاكهم للعقارات داخل مصر، والمرة دي الدولة قدمت لهم فرص استثمارية مميزة هتلبي تطلعاتهم وبتسهيلات غير مسبوقة لحجز الوحدات السكنية والفيلات.
الدولة مؤخرا أطلقت مبادرة بيتك في مصر ودي خاصة بالمصريين العاملي بالخارج، ودي هتكون بالتعاون مع وزارة الخارجية والهجرة وشئون المصريين، والمبادرة جاية في أطار الاهتمام الكبير اللي بتوليه القيادة السياسية لتلبية احتياجات المصريين بالخارج، ووزير الإسكان اصدر تعليماته للعمل على توفير عدد كبير من المحفزات والمميزات للمصريين بالخارج ضمن مبادرة بيتك في مصر، والمبادرة دي بتستهدف تنفيذ 5000 وحدة وفيلا سكنية في مدينة العلمين الجديدة والعاصمة الإدارية الجديدة ومدينة المنصورة الجديدة ومدينتي وعدد من المدن التانية في مصر.
وزير الإسكان، اكد أنه هيتم في شهر يناير اللي جاي إطلاق موقع إلكتروني لطرح وحجز وحدات المبادرة، وهيتم العمل علي تلبية مختلف احتياجات وطلبات المصريين بالخارج من توفير وحدات سكنية تناسب شرائح الدخل المختلفة للجاليات المصرية بالخارج .
