حدث عالمي بمصر.. الرئيس السيسي يكشف التفاصيل
ايه الحدث العالمي اللي هيحصل في مصر والكرة الأرضية كلها مستنياه وايه المفاجأة اللي كشفتها الرئيس السيسي في الساعات الأخيرة وايه تأثير الحدث الهام على الاقتصاد المصري وايه الرسالة منه.. كل ده هنعرفه مع حضراتكم في الفيديو ده خليكم معانا للآخر
معروف إن مصر صاحبة أعرق وأقدم حضارة في الكون ومفيش حضارة في عظمتها والآثار المصرية بتعتبر من اجمل واندر الآثار في العالم وفيه اغلى قطعة أثرية في الدنيا وقيمتها لا تقدر بتمن وهي قناع توت عنخ امون رمز لعظمة وهيبة وعبقرية الفن المصري وحضارة الدهب في وقت كان بقية العالم عايش في الغابات والكهوف وبياكل ورق الشجر وعشان كل المقومات الحضارية لمصر السيسي قرر يرجع هيبة الآثار المصرية والتاريخ العريق للبلد
ورغم إن من مئات السنين الدولة المصرية بتحقق إيرادات من زيارة الوفود السياحية للمناطق الأثرية في مصر لكن الرئيس السيسي قرر ينفذ أعظم مشروع في تاريخ مصر لإنقاذ الآثار التاريخية وإعادتها لرونقها من خلال تطوير كل الاماكن الأثرية وترميمها وإعادة عرضها بشكل يليق بالحضارة المصرية ويضاعف أعداد السياح اللي بتزور البلد وتضاعف إيرادات السياحة ومن أكبر المشروعات اللي تمت في عهد الرئيس السيسي لحماية الآثار وإعادة عرضها بطريقة تكون على قدر قيمتها التاريخية مشروع المتحف المصري الكبير واللي اخد جائزة أجمل واكبر متحف في العالم رغم أنه لسه متمش افتتاحه رسميا.
طيب ايه الحدث العالمي اللي كشف عنه الرئيس السيسي ؟
من ساعات الرئيس عبدالفتاح السيسي كان في زيارة تفقدية إلى مقر أكاديمية الشرطة، أجرى خلالها حوار مع طلبة الأكاديمية تناول فيه الأوضاع الداخلية والإقليمية والدولية والرئيس قال في كلامه إن كبرى الدول طلبت حضور حفل افتتاح المتحف المصري الكبير ودا الحدث الأهم واللي يخطف الانظار في العالم كله ودا بسبب حجم المتحف الضخم واللي بيحضن واحدة من أهم عحايب الدنيا وهي الاهرامات.
الرئيس السيسي قال كمان أن فيه اهتمام كبير بالحضارة المصرية وإن المتحف الكبير هيكون علامة في تاريخ المتاحف مش بس على مستوى مصر وان المتحف المصري الكبير هيكون أكبر متحف لحضارة واحدة، وهي الحضارة الفرعونية، وإن فيه قاعة كاملة على مسطح المتحف بالكامل لعرض مجموعة توت عنخ آمون وهي تعرض بالكامل للمرة الأولى وهي بتضم أندر وأغلى القطع الأثرية في الدنيا.
الرئيس السيسي كشف أنه تم فتح المتحف جزئيًّا من شهرين، وباقي شهر إضافي لاختبار الأنظمة وإجراء افتتاح رسمي يليق وأكد الرئيس ان الدولة بذلت جهود ضخمة في المناطق المحيطة بالمتحف وإنشاء شبكة طرق ليس فقط لأجل المتحف لكن من أجل مصر بالكامل وان منطقة المتحف كانت قبل تسع سنين من الصعب الوصول إليها، لكن الوضع اختلف في الفترة الحالية.
طبعا الافتتاح المهيب المنتظر للمتحف المصري الكبير بمنطقة الاهرامات هيكون دعاية مجانية لمصر تساوي مليارات الدولارات وهتسلط الضوء على كنوز أهم حضارة في الكون وبعدها تضاعف التدفقات الدولارية من زيادة أعداد السياح المتوقعة لأن شركات السفر والطيران والسياحة العالمية هتتنافس عشان تقدم وجهات جديدة وفريدة للعملاء وهما السياح وساعتها المتحف المصري الكبير هيكون ترند شركات السياحة العالمية.
