بعد قرار المركزي.. شوف الحد الأقصى للسحب اليومي من البنوك والصراف الألي وانستاباي 2025
ياترى حدود السحب اليومي من البنوك والصراف الألي وانستاباي 2025 وبعد قرار البنك المركزي الأخير والحد الاقصى بيوصل كام وإيه الشروط وياترى رسوم الاستعلام عن الرصيد بالبنوك وصلت لكام دلوقتي.. خليكم معانا للأخر وهنعرف التفاصيل في التقرير دا
كتير من الناس بتسأل عن حدود السحب من تطبيق إنستاباي وعن الحد الأقصى للسحب اليومي من البنوك وATM وانستاباي بعد قرار المركزي الأخير..
زي ما احنا عارفين البنك المركزي كان قرر في إبريل الماضي زيادة الحد الأقصى اليومي لعمليات السحب النقدي بالعملة المحلية إلى 250 ألف جنيه، بدلًا من 150 ألفًا، و30 ألفًا من ماكينات الصراف الآلي بدلًا من 20 ألفًا، تيسيرًا على المتعاملين مع البنوك.
البنك المركزي كمان حدد في وقت سابق رسوم السحب لكل عملية، في المقابل تبقى الخدمة مجانية.. يعني إذا سحب العميل من ماكينة الصراف الآلي التابعة للبنك مصدر البطاقة، كمان حدد أيضا الحد الأقصى للمعاملات النقدية اليومية.
طيب الحد الأقصى للمعاملات اليومية كام دلوقتي؟
شوف ياسيدي تتيح ماكينات الصراف الآلي إمكانية السحب والإيداع على مدار الـ24 ساعة، لجميع البنوك المصرية، ولكن هناك حد أقصى للسحب النقدي يوميًا، سواء من خلال الـATM، أو من داخل الفروع، طبقًا لتعليمات البنك المركزي المصري.
طيب إيه الحد الأقصى للسحب اليومي من ATM؟
يصل الحد الأقصى للسحب اليومي بالنسبة لماكينات الصراف الآلي أو ATM هو 30 ألف جنيه مصري، بعد قرار المركزي الأخير.
أما بخصوص حد السحب اليومي في البنوك فالبنك المركزي قرر في إبريل الماضي زيادة الحد الأقصى اليومي لعمليات السحب النقدي بالعملة المحلية إلى 250 ألف جنيه، بدلًا من 150 ألف جنيه
ولو بتسأل على رسوم الاستعلام عن الرصيد من ماكينات ATMفهي بتختلف رسوم الاستعلام عن الرصيد من ماكينات ATM لغير عملاء البنك من بنك للتاني.
ولازم تبقي عارف إن عمولة السحب من مختلف البنوك يعني مثلا رسوم الاستعلام عن الرصيد من ماكينات الصراف الآلي بنك مصرف أبوظبي الإسلامي 3 جنيهات في المقابل رسوم الاستعلام عن الرصيد من ماكينات ATM بنك الاستثمار العربي 2 جنيه.
أما رسوم الاستعلام عن الرصيد من ماكينات الصراف الآلي بنك كريدي أجريكول 2 جنيه وبتوصل رسوم الاستعلام عن الرصيد من ماكينات ATM بنك أبوظبي الأول 3 جنيه لكن رسوم الاستعلام عن الرصيد من ماكينات ATM بنك HSBC مجانًا وفي بنك ناصر بتوصل
جنيه واحد.
وفي بنك الاسكندرية بتوصل رسوم الاستعلام عن الرصيد من ماكينات ATM إلى 3 جنيهات وهي نفس العمولة في بنك فيصل الإسلامي.
أما حدود السحب من تطبيق إنستاباي فتقدر تسحب بشكل فوري خلال تطبيق «إنستاباي» من خلال الحساب البنكي اللي بيتم تسجيله على التطبيق وبتختلف حدود السحب من التطبيق بين الحد الأقصى للسحب في المعاملة الواحدة، واللي بيوصل إلى 70 ألف جنيه، والحد الأقصى للمعاملات في اليوم، الذي بلغ 120 ألف جنيه.
