أعلى 5 شهادات إدخار في البنوك المصرية يناير 2025.. العائد يصل لـ 39%
كتير من المصريين خاصة اللي كانوا شغالين بره وخلاص استقروا هنا، عايزين يحطوا تحويشة العمر في حاجة مضمونة، عشان يضمنوا ادخارها بعيد عن ايديهم بدل ما تتصرف، وكمان استثمارها يعني بتدخل فلوس كل شهر أو فايدة كل سنة.. طب إيه هو أفضل حل، ولو مثلًا فكروا في شهادات ادخار إيه هي مكاسبها؟
أفضل شهادات ادخار 2025
في الفترة الأخيرة، البنوك المصرية بتتنافس في طرح شهادات ادخارية بعوائد مرتفعة وحد أدنى للشراء، يعنى حتى لو حطيت فلوس قليلة هتكسب هتكسب، ومن هنا لازم تختار الشهادة اللي تناسبك وكمان دوية الصرف سواء شهري ولا سنوي ولا ربع سنوي أو نصف سنوي حتى، عشان كده هنقولك على أفضل شهادات إدخار في مصر، واللي بتكون بأعلى عائد.
أول الشهادات دي، لبنك التنمية الصناعية، وهي شهادة "اختيارك" والعائد بتاعها بيوصل الـ 39%، وبتعتبر من الشهادات المتميزة كمان، أما الحد الأدنى للشراء فهو 50 ألف جنيه في المرة الأولى، وزيادتها بمضاعفات 5 آلاف جنيه بدون حد أقصى.
أحسن شهادات الادخار 2025
تاني الشهادات، وهي الشهادة الثلاثية من بنك التعمير والإسكان، وطبعًا العائد بتاعها مرتفع، ومدتها 3 سنين، ولكن العائد ثابت طوال مدة الشهادة بنسبة 18.5% شهريًا أو 20% سنويًا، والحد الأدنى للشراء 100 ألف جنيه.
كمان البنك الأهلي المصري، بيوفرلك الشهادة البلاتينية ذات العائد الثابت طوال المدة وهي 3 سنوات، بحد أدنى للشراء ألف جنيه ومضاعفاتها، وسعر العائد 19% شهريًا.
وبيتيج البنك كحد أدنى للشراء ألف جنيه ومضاعفاتها، وسعر العائد للسنة الأولى 22%، والثانية 18% والثالثة 16%.
شهادات الادخار
نيجي لشهادة البنك المصري الخليجي، واسمها "ثروة بلس" لمدة 3 سنين، وهنا العائد بتاعها بيصل إلى 23% للسنة الأولى بعدين بيتغير حسب سعر الإيداع المعلن من البنك المركزي المصري لمدة ليلة واحدة، والحد الأدنى للشراء ألف جنيه ومضاعفاتها.
وأخيرًا، شهادة البنك الأهلي المتحد، وهي "بلس الثلاثية"، واللي مدتها 3 سنين، وبعائد سنوي 19%، وبيصرف شهريًا، والحد الأدنى لربط الشهادة 50 ألف جنيه لأول مرة فقط، ومتاح ربط شهادة تانية بألف جنيه وبدون حد أقصى للشراء.
ودي كانت معلومات عن أفضل الشهادات الإدخارية، فلو ناوي تحط فلوسك فيها اختار الشهادة اللي تناسبك.
ولكن، قبل ما تشتري شهادة إدخار، هنقولك شوية نصائح عشان تختار الشهادة الصح وفي نفس الوقت ماتخسرش، واللي أولها إنك تختار أفضل عائد على الشهادة من خلال المقارنة بين أسعار الفائدة اللي بتقدمها البنوك.
كمان، اعمل قارنة بين الحد الأدنى لشراء الشهادات في البنوك عشان تختار الشهادة التي تتناسب مع مدخراتك، ويفضل الاستثمار في الشهادات الادخارية ذات العائد الثابت عشان هي أكتر الأوعية الادخارية أمانًا وربحية.
ويفضل برضو عند الاختيار، تشتري شهادة بنكية ذات رسوم استرداد منخفضة، عشان ماتحملش نفسك تكلفة مرتفعة لو اضريت تسترد مبلغ الشهادة، أما لو عايز تدخر للمستقبل فافتح شهادة تراكمية، عشان بيتم صرف عائدها في نهاية المدة ، وفي نفس الوقت بتحافظ على مدخراتك.
