مليارات الدولارات.. كامل الوزير يفتح باب جديد للتصنيع والتصدير

مصر حاليا عندها خطة كبيرة لزيادة الاستثمارات الأجنبية في كل المجالات، وحاليا الحكومة جهزت مفاجأة هتزود ايرادات مصر الدولارية برقم خيالي هيغير خريطة الاستثمارات الأجنبية في مصر .. ياتري اية هيا المفاجأة دي .. واية تاثيرها علي ايرادات مصر الدولارية.. تابعونا للآخر وهتعرفوا التفاصيل

الحكومة في الفترة الرئاسية الجديدة عندها توجهات رئاسية بزيادة الايرادات الدولارية في كل المجالات، وفي متابعة رئاسية مباشرة للقصة دي بشكل يومي، وفعلا الدكتور مصطفي مدبولي رئيس مجلس الوزراء شكل مجموعة وزارية للتنمية الصناعية برئاسته، ودي الهدف منها دعم كل القطاعات الصناعية في مصر، وبحث المصانع المتوقفة واعادة تشغليها وتذليل كل العقبات اللي كانت السبب في توقفها في الفترة اللي فاتت، وكمان تعديل تشريعات الاستثمار علشان يكون السوق المصري سوق جاذب للاستثمارات في كل المجالات .

طيب اية هيا المفاجأة اللي الحكومة بتجهزها لدعم لزيادة ايرادات مصر من الدولار؟.
المهندس كامل الوزير وزير الصناعة والنقل، قال أن الدولة المصرية هتطرح 43 مصنع كامل التجهيزات علي منصة مصر الصناعية الرقمية للمستثمرين، والمصانع كل شاملة كل الخدمات والمرافق، وهيتم فتح باب سحب الكراسات والتقدم بشكل الكتروني على المنصة في الفترة من 11 إلى 25  ديسمبر الحالي.

وزير الصناعة والنقل قال أن المصانع الجديدة هتكون بمساحات مختلفة علشان تلبي كل طلبات المستثمرين، وهيكون فيها 20 مصنع بمساحة 2000 متر مربع، و 6 مصانع بمساحة 1000 متر مربع، و 17 مصنع صغير بمساحة 121 متر مربع، وكمان الدولة اتاحت للمستثمرين إمكانية دمج بعض المصانع للمستثمرين بمساحات مختلفة علشان تتناسب مع طاقاتهم الإنتاجية، والمصانع دي مخصصة لصناعة المنتجات الجلدية والصناعات المكملة.

المهندس كامل الوزير قال كمان انه في الفترة اللي جاية، الحكومة هتقدم تسهيلات كتيرة للمستثمرين اللي عايزين يدخلوا يعملوا شغل في مصانع مدينة الروبيكي، والمستثمرين هيسددوا 25 % من إجمالي سعر المصنع، وهيتم منحهم 12 شهر كفترة سماح قبل استكمال السداد، وهيكون فيه تقسيط لباقي سعر المصنع على 5 سنين بفائدة سنوية 10 % بس علشان المستثمر يقدر يضخ استثماراته في السنة الأولى ويقدر يشتري خطوط الإنتاج والآلات ويقدر يشتغل في اقرب وقت ممكن.
كامل الوزير قال أن المصانع الجديدة جاية بتكليفات مباشرة من الحكومة ضمن خطة جذب الاستثمارات الأجنبية المباشرة والترويج للفرص المتاحة في مصر، وأن الهيئة العامة للتنمية الصناعية في وزارة الصناعة هتوقع برتوكول تعاون مع الهيئة العامة للاستثمار والمناطق الحرة وجهاز التمثيل التجاري في وزارة الاستثمار والتجارة الخارجية؛ بهدف الترويج والتعريف بالفرص الاستثمارية في القطاعات الصناعية المختلفة في مصر ومنها مدينة الجلود بالروبيكي.

وعلشان الدولة بتاعتنا بتدعم المصنعين والمستثمرين وبتعوض المتضررين منهم، فالدولة قررت تسليم 21 مصنع لدباغة الجلود في المرحلة الأولى لعدد  من المستثمرين، وده خطوة من خطوات الحكومة لتعويضات أصحاب مدابغ سور مجرى العيون وتقنين أوضاعهم ومساندتهم في رفع طاقاتهم الإنتاجية.