زي ما توقع بانكير.. الاستثمارات النرويجية تتدفق على مصر

الاستثمارات النرويجية بدأت تهل .. ايه اللي حصل في الساعات الأخيرة وايه حكاية الاستثمارات النرويجية اللي داخلة السوق المصري وياتري الشركات النرويجية هتستثمر في إيه في مصر وليه.. كل التفاصيل هنعرفها مع حضراتكم في التقرير  ده خليكم معانا للآخر .
 
زي ما قال وتوقع بانكير إن الشركات النرويجية هتعزو السوق المصري في الفترة الجاية ودا بعد زيارة الرئيس السيسي الأخيرة للنرويج واللي فيها اكبر صندوق ثروة سيادي في العالم بقيمة 2 تريليون دولار واللي شغال في دول كتير حولين العالم وباستثمارات ضخمة ونزوله في أي بلد بيشكل فارق كبير جدا وبيدي ثقة كبيرة في الأسواق اللي شغال فيها لان صندوق بالحجم ده مش هيشتغل في أي سوق وخلاص لانه بينزل فيها بتقله

طيب ايه اللي حصل في الكام ساعة اللي فاتو ؟
زي ما قلنا لحضراتكم الرئيس السيسي كان في النرويج وتم استقباله بحفاوة كبيرة جدا والرئيس السيسي حرص على استقبال قادة الاقتصاد والاستثمار ورؤساء الشركات واتكلم معاهم عن فرص الاستثمار الواعدة في مصر خاصة في قطاعات التصنيع والطاقة النظيفة والسياحة والعقارات والصناعات التكنولوجية وبعد ساعات من اللقاء شهد الرئيس السيسي أول صفقة من الشركات النرويجية في مصر.

الرئيس عبد الفتاح السيسي اليوم شهد مراسم توقيع عقد بين شركة “امباور” النرويجية وشركة “ماجد الفطيم” لتنفيذ مشروع في مصر في مجال الطاقة الشمسية لأغراض الصناعة، والتوقيع كان على هامش الزيارة الرسمية اللي قام بيها الرئيس  إلى النرويج ضمن جولته الأوروبية.

التوقيع تم بمجرد انتهاء لقاء جمع الرئيس عبد الفتاح السيسي، اليوم، بكل من الرئيس التنفيذي لشركة “إمباور” النرويجية للطاقة الجديدة، والرئيس التنفيذي لشركة “جولار” النرويجية لتسييل الغاز، والرئيس التنفيذي للوكالة النرويجية للتعاون التنموي والرئيس التنفيذي لجمعية الأعمال النرويجية الافريقية ودا بيدل طبعا على مدى اقتناع الشركات دي بالاستثمار في مصر والثقة في السوق المصري رغم الأحداث في المنطقة..

لقاء الرئيس السيسي برؤساء الشركات النرويجية كا لبحث سبل تعزيز التعاون الاستثماري بين مصر من ناحية والجهات ذات الصلة والشركات النرويجية من ناحية تانية و تم استعراض أبرز السياسات التي تنفذها الحكومة المصرية اتصالاً بخطة التنمية الاقتصادية، والأهمية الكبيرة التي توليها الدولة المصرية لتمكين القطاع الخاص وجذب المزيد من الاستثمارات الأجنبية المباشرة.

ورغم إنه لسه مفيش معلومات عن حجم الاستثمارات النرويجية في المشروع الجديد لكن المؤشرات بتقول إنه مشروع عملاق وإضافة لقطاع الطاقة والصناعة في مصر وبيسلط الضوء على السوق المصري في أوروبا لأن الصفقات دي بيكون ليها صدى اعلامي واسع ودي الأهمية في المشروع النرويجي واللي بيفتح في نفس الوقت الطريق لباقي الشركات النرويجية خاصه مع التوجيه الملكي للشركات النرويجية بالاستثمار في مصر بناء على مباحثات الرئيس السيسي مع القادة هناك.