الدهب الاستثمار السحري في 2025..شوف الأسباب
لو معاك فلوس محوشها وعايز تدخرها أو تستثمرها في حاجة مضمونة، تعمل إيه، وهل في خيارات كتيرة ومضمونة بردو وتوصلك لنفس الهدف، ويا ترى تبدأ منين ومصير الدهب في 2025.. هنقولك كل التفاصيل في التقرير ده فتابعنا للآخر.
طبعا، كتير من المصريين لما يفكروا يستثمروا فلوسهم، فبيختاروا أول حاجة الدهب، لأنه وسيلة ادخار مضمونة وكمان أسعاره بتزيد ومابيفقدش قيمته خالص، وغير كده الدهب بيعتبر وسيلة آمنة للادخار أو ملاذ آمن عشان تحط فيك فلوسك.
كمان الدهب، بيعتبر أهم طرق الاستثمار وحفظ قيمة الفلوس محليا وعالميا، خاصة وأنه بيحقق كثير من المكاسب على مر السنين، وهو ده اللي حصل في الفترة اللي فاتت، خاصة في ظل الأحداث والتوترات الاقتصادية والجيوسياسية الموجودة في العالم دلوقتي، واللي أدت لزيادة الإقبال على شراء الدهب عشان زي ما قولنا هو الملاذ الآمن للادخار.
نقدر نقول كمان، إن مش بس الناس العادية اللي بتحط فلوسها في الدهب، لأ ده كمان البنوك المركزية العالمية بتشتري كميات كبيرة من الدهب عشان تحصن نفسها ضد الأزمات الاقتصادية أو أي أحداث سياسية ممكن تأثر على اقتصادها، يعني بتتحوط من حدوث أي أزمات من خلال شراء كميات كبيرة من المعدن الأصفر.
ولو ناوي تستثمر في الدهب، ففي شوية معلومات وخطوات مهم جدا تاخد بالك منها وتحطها في الاعتبار، عشان تقدر تحقق أكبر فايدة، وهي التنوع في المحفظة الاستثمارية، لأن في ناس بتحط جزء كبير من فلوسها في نوع واحد من الاستثمار وهو الدهب، واللي رغم مكاسبه الكبيرة إلا أنه ممكن في وقت معين يتعرضوا لخسارة مؤقتة، وده لو حصل خطأ معين في الأسواق، أو أحداث عالمية ممكن تؤثر على مكاسب الدهب.
كمان، ممكن حضرتك تتجنب المخاطرة من خلال الاستثمار في أنواع مختلفة من المجالات، زي شراء الأسهم من البورصة، وسبائك الدهب والعملات الدهبية والعقود الآجلة.
ولكن، نقدر نقول إنك لو استثمرت فلوسك في الدهب بدون ماتعمل خطة استثمار قوية، هتلاقي صعوبة في بناء توقعات لعملية الاستثمار، يعني لازم خطتك تكون محددة أهدافك وواضحة، وتحسب كويس إزاي تحقق أكبر مكاسب وتحقق خطتك كاملة، كمان لازم تحط استراتيجية لإدارة المخاطر، وده من خلال معرفة أفضل موعد لشراء الدهب وأفضل موعد للبيع.
وياريت، تتابع دايما اتجاهات السوق وأسعار الدهب بصورة دايمة عشان تقدر تاخد القرارات الصحيحة في عمليات شراء الدهب للادخار، وتحدد الوقت المناسب وتقتنص الفرصة صح.
طيب أسعار الدهب رايحة فين فين؟
عشان تبقى عارف.. المخاطر الجيوسياسية واحدة من أهم العوامل اللي بتحكم سعر الدهب واستمرار التوترات في الشرق الأوسط وأوروبا الشرقية معناه ارتفاع مستمر في أسعار الدهب، حيث يتدافع المستثمرين من أجل الاستقرار.
وبتظهر نقاط الاشتعال الجيوسياسية في سنة 2025 في شكل حروب تجارية وصراعات إقليمية وفي حين أن التأثير المباشر على السوق غير مباشر من خلال قيم العملات والمزاج العام للاقتصاد الذي قد تسببه العقوبات واضطرابات الصناعات الرئيسية.
لكن التوقعات بتقول إن الدهب ممكن يوصل إلى ذروته بين 2700 دولار و3000 دولار للأوقية في 2025، خاصة مع استمرار بقاء العوامل اللي بتساعد في زيادة أسعار المعدن الأصفر زي الصراعات وشراهة الشراء عند البنوك المركزية العالمية وخاصة البنك المركزي الصيني واللي رجع يستري تاني الدهب ودا غير سعر الدولار.
