شوف هتغير موبايلاك ولا لأ.. هواتف تدعم eSIM الجديدة

من يوم إعلان المجلس القومي لتنظيم الاتصالات عن بدء تشغيل الشريحة الجديدة eSIM ، والناس كلها عندها سؤال واحد بس ياتري الموبايل بتاعي هيشتغل علي النظام الجديد ولا هضطر اغيره بواحد جديد..

من كام يوم والمجلس القومي لتنظيم الاتصالات اعلن عن بدء تفعيل الشريحة eSIM، وطبعا في الوقت القريب هتكون الشريحة دي هيا الشريحة المعتمدة واللي هتشتغل علي كل الموبايلات،خصوصا مع الثورة التكنولوجية الكبيرة اللي الدولة شغالة عليها حاليا لتطوير نظم الاتصالات والتواصل بين الناس وبعضهم، ومن يوم الكلام ده والناس كلها بتسال هل التليفون اللي معايا هينفع يشتغل علي الشريحة الجديدة ولا هيحتاج يتغير خصوصا أن اقل موبيل دلوقتي سعره بيعدي رقم ومحتاج ميزانية لواحدة.
وقبل ما تدخل في حيرة ملهاش أول من أخر، الجهاز القومي لتنظيم الاتصالات طلع واتكلم علي انواع الموبيلات اللي بتدعم الشريحة الجديدة وهيا أنواع- Galaxy S20+  Galaxy Ultra - Galaxy S21 - Galaxy S21+ - Galaxy S21 Ultra» «GalaxyS22  - Galaxy S22+ - Galaxy S22 Ultra - Galaxy S23 Ultra - Galaxy S24 - Galaxy S24+ - Galaxy Note 20 - Galaxy Note 20 Ultra

الجهاز قال كمان ان الموبايلات من أنواع جوجل وسوني وأوبو بتدعم كمان تشغيل الشريحة، يعني اي حد معاه موبيل من انواع الاصدرات دي مش هيحتاج يغير موبايه لو عايز يغير من الشريحة العادية للشريحة الجديدة.
طيب اسعار الشريحة الجديدة بتوصل لكام ؟.
شركة فودافون قالت أن سعر شريحة eSIM للعملاء هتوصل 350جنيها وهتوصل رسوم انتقال العميل من الشبكة القديمة للشبكة الجديدة بنفس الرقم علي الشريحة لـ 300 جنيه، وكمان شركة المصرية للاتصالات اعلنت هيا كمان عن اسعار الشريحة الجديدة وقالت أنها هتوصل لـ  330 جنيه في حالة لو العميل عايز يشتري خط جديد وهتوصل تكلفة استبدال الشريحة القديمة لواحدة جديدة لـ  270 جنيها، أما شركة أورانج فحددت سعر الشريحة الجديدة بـ 350جنيه، وهتوصل تكلفة تغيير العميل للشريحة القديمة بواحدة جديدة لـ 300 جنيه.