لو هتمضي ضامن.. شوف شوية النصائح دي علشان متلاقيش نفسك في السجن
كتير منا بيقع ويضمن حد في قرض ط من البنوك، وبعدين بيتفاجي ان الراجل اللي ضمنه اخد القرض وبطل يسدد.. وهنا بيكون مش عارف يعمل اية.. وازاي يخلص من المصيبةدي .. خصوصا ان في الحالة دي هيكون ملزم بدفع قيمة القرض أو الحبس.. لو عايز تعرف أهم النصائح والعقوبات اللي ممكن تتعرض لها لو مضيت ضامن شوف التقرير ده للآخر
طبعا كلنا عارفين ان اي عميل بيقدم علشان ياخد قرض من أي بنك لازم يجيب ضامن للقرض اللي عايز ياخده، وهنا بيضطر يجيب ملك أراضي أو عقارات أو اي املاك أو وظيفة حكومية كضمان للقرض أو يجيب حد يضمنه في القرض، والأخيرة دي حاجة منتشرة جدا وللاسف في ناس كتير منا بطيبة وسذاجة بيروح بيوقع لأي حد في اي قرض وهو اصلا مش عارف خطورة اللي عمله ده اية.
كلنا نكون عارفين ان المحاكم حاليا مليانة قضايا اصدار شيكات بدون رصيد، وقضايا كتير علي ناس كانت ضامنة لناس تانية علشان ياخذوا قروض وفي الأخر خلوا اللي ضمن هو اللي لبس، وبقي ياما يدفع أو يتحبس وكمان هيدفع غرامات التاخير والفوايد وكل حاجة علي القرض ..
طيب اية الاضرار اللي ممكن توقع علي الضامن بسبب قرض لعميل؟.
في مشاكل كتير هتقع فيها لو مضيت ضامن لاي حد وخلاص أولها إنه لو صاحب القرض أتأخر عن سداد قيمة الأقساط، فانت هتكون المسؤول علشان تدفع قيمة الفوائد والاساسي على صاحب القرض، وفي حالة لو العميل تاخر في السداد فالضامن هيتحمل قيمة الرسوم القانونية الخاصة بالقرض، وكمان الضامن بيتحمل سداد كل الأقساط في حالة لو صاحب القرض أتاخر في سداد قيمة الأقساط، وفي حالة لو صاحب القرض، والضامن اتاخروا في سداج القرض أو الفوايد اللي عليه، فالبنك في الحالة دي من حقه أنه يستحوذ علي ممتلكات صاحب القرض والضامن علشان ياخذ فلوسه، ولو الضامن موظف فالبنك من حقه أنه ياخذ قيمة القسط اللي علي صاحب القرض من مرتبك لو العميل أتاخر في سداد القسط الشهري للقرض، ولو البنك خذ أي إجراء قانوني فالضامن هيتحمل دفع كل الرسوم القانونية اللي بيتم دفعها لإقامة الدعوى القضائية .
