لو عايز تشتري شقة.. البنك ده هيديك 2 مليون جنيه
لو عايز تاخد قرض تشتري بيه شقة تعمل إيه، واسم القرض ده بيندرج تحت أي مسمى، وإيه هي البنوك اللي ممكن تمولك، وحجم التمويل أو القرض ده هيكون لحد كام، وإيه شروطه.. هنقولك كل التفاصيل في الفيديو فتابعنا للآخر.
في الفترة الأخيرة كتير من البنوك العاملة في السوق المصرفي المصري، بتقدم أشكال كتيرة ومتنوعة من القروض، اللي بتتنوع وفق احتياجات المواطنين أو العملا.
قرض التمويل العقاري 2025
ومن أهم القروض دي، هو قرض التمويل العقاري، يعني لو حضرتك بتفكر تشتري شقة أو حتى تدفع مقدم لشقة جديدة، وهنا سعر العائد بيكون متنوع وفق للشرايح المختلفة للعملاء، وعلى رأسهم بنك قناة السويس.
طب إيه هي شروط التمويل العقاري أو القرض ده من بنك قناة السويس؟
بص يا سيدي، بنك قناة السويس هيديك قرض بيوصل ل 2 مليون جنيه يعني ما يعادل 80% من قيمة الوحدة السكنية، وبفايدة 8% متناقصة، وبيطرح الأوبشن ده كنوع من المشاركة في مبادرة البنك المركزي المصري للتمويل العقاري لفئة العمال متوسطي الدخل.
بس لازم يتوافر في حضرتك بعد الشروط عشان تقدر تاخد القرض ده، واللي أهمها إن يكون الحد الأقصى لسعر الوحدة 2.5 مليون جنيه، ومن هنا بتصل مدة التمويل حتى 25 سنة.
كمان القرض ده بيتيح لحضرتك وثيقة تأمين على حياة المقترض مجانا طوال مدة القرض.، وكمان وثيقة تأمين على الوحدة اللي عايز تمويلها مجانا ضد مخاطر الحريق والكوارث الطبيعية، وبيكون سعر العائد ثابت طبقا لمبادرة البنك المركزي.
ونقدر نقول إن شروط مبادرة البنك المركزي لمتوسطي الدخل، منها إن يحق للعميل الاستفادة من المبادرة لوحدة سكنية واحدة بس، وبشرط عدم استفادة العميل من مبادرة التمويل العقاري السابقة، بغض النظر عن أي قروض عقارية تم أو سيتم الحصول عليها من قبل العميل خارج إطار المبادرة، كمان لازم تكون الوحدة كاملة التشطيب وجاهزة للسكن.
أما المستندات العامة المطلوبة، فهي صورة ضوئية من بطاقة الرقم القومي، وأصل فاتورة المرافق (مياه-كهرباء-غاز) آخر 3 أشهر.
أما بالنسبة لمستندات للموظفين، فلازم خطاب مفردات مرتب مختوم ومعتمد، وطلب تحويل راتب أو القسط الشهري غير قابل للإلغاء، في حاله تحويل الراتب، أو القسط، وكمان وثيقة التحقق من التأمينات الاجتماعية في حالة لو ماكنتش واضحة في وثيقة التحقق من الراتب او الهوية.
أما مستندات أصحاب الشركات والمهن الحرة، فمطلوب من حضرتك مستخرج حديث من السجل التجاري لأصحاب الشركات أو تصريح مزاوله مهنه وكارنية النقابة وترخيص منشأة لأصحاب المهن الحرة والأطباء، وكمان صورة من البطاقة الضريبية، وكشف حساب بنكي لآخر 6 أشهر.
فلو حضرتك عايز تاخد القرض، فجهز ورقك واطلع على أقرب فرع جنبك لبنك قناة السويس، قدم الطلب والورق، وبس كده يا سيدي استنى تاخد قرضك وتشتري شقة العمر.
