هنوفر مليارات الدولارات.. خطة الدولة لاعادة احياء صناعة السيارات

العربيات واحدة من الحاجات اللي مصر بتستورد منها نسبة كبيرة من الخارج ووصلت فاتورة الاستيراد خلال اول 8 شهور من 2024 الي 3.4 مليار دولار بس، وده رقم كبير علي مصر خصوصا ان مصر بتستهدف توفير الدولار... ياتري مصر بتجل الموضوع ده أزاي.. واية هيا خطة الحكومة لاعادة تصنيع العربيات في مصر.

الرئيس عبدالفتاح السيسي اثناء افتتاح محطة قطارات الصعيد في بشتيل اتكلم بشكل صريح عن فاتورة الاستيراد المصري من الخارج وخص بالذكر بعض الحاجات اللي مصر استوردتها من الخارج، وللاسف طلعت الارقام صادمة وبشكل كبير خصوصا ان الحاجات اللي اتكلم عليها السيد الرئيس لها بدائل كتيرة في السوق المصري من المنتجاات المحلية، ولكن للاسف ثقافة المواطن المصري وثقته في المنتجات المستوردة كانت هيا السبب.

واحد من الحاجات اللي اتكلم عليها السيد الرئيس واللي مصر دفعت فيها فاتورة كبيرة جدا كانت استيراد العربيات وقطع غيارها واللي وصلت الفاتورة الاستيرادية منها في اول 8 شهور من 2024 لـ3.4 مليار دولار، وده رقم كبير جدا علي مصر خصوصا ان مصر بتستهدف تقليل الاستيراد وتشغيل التصدير، وبالتالي كان لازم يكون في وقفة لاعادة النظر في الاقارم اللي استوردت بيها مصر كل الحاجات دي.

طيب اية اللي عملته الحكومة علشان تحل الأزمة دي؟.
في الفترة اللي فاتت الحكومة عملت اجراءات مضاعفة لإعادة جذب رؤوس الاموال للسوق المصري، وطبعا واحد من مستهدفات الحكومة كان هو قطاع السيارات واللي الدولة الحقيقة اخذت فيه اجراءات غيرت بيها الصورة 180 درجة وفي الفترة اللي فاتت مصر وقعت كم كبير من الاتفاقيات وعقود التشغيل لعدد كبير من المصانع لبدء التصنيع المحلي لمكونات العربيات في مصر، والمنطقة الاقتصادية لقناة السويس كان لها نصيب الاسد من الاستثمارات والاتفاقيات اللي وقعتها الحكومة، وطبعا التنين الصيني كان هو صاحب النصيب الاكبر بتوقيع عقود تصنيع العربيات في مصر، ومع نهاية العام الحالي هتبدأ مصر تتحول من الاستيراد الي التصدير خصوصا أن في نسبة كويسة من المصانع اللي وقعت عقود للتشغيل هتبدأ تضخ منتجاتها في السوق المصري.

مستهدفات الحكومة لعودة التصنيع المحلي للعربيات موقفتش علي الصين بس، لا ده كمان الدولة وقعت عقود تشغيل لمصانع من عدد كبير من دول العالم وكان اخرهم ماليزيا واللي افتتحت أول مصانعها لانتاج العربيات الماليزية في مدينة 6 أكتوبر .

كامل الوزير نائب رئيس مجلس الوزراء للتنمية الصناعية وزير الصناعة والنقل، قال أن الرئيس عبدالفتاح السيسي وجه الحكومة بتحويل مصر لمركز صناعى إقليمي علي أحدث المعايير البيئية والمستدامة، ودعم وتشجيع زيادة الطاقات الإنتاجية للمصانع بهدف توفير احتياجات السوق المحلى وخاصة فى مجال صناعة العربيات والتصدير للخــارج بجودة عالية وبأسعار منافسة.

وزير النقل والصناعة كمل كلامه وقال أن وزارة الصناعة اعدت استراتيجية وطنية للصناعة 2030 واللي بتتضمن الرؤية المستقبلية لتشجيع الصناعة المصرية من خلال استغلال موقع مصر الإقليمى وتنوع الموارد والبنية التحتية المتطورة وتطوير السياسات المالية والنقدية، وتقديم حوافز وضمانات للاستثمار وزيادة حجم السوق لجذب استثمارات اجنبية مباشرة من كل دول العالم.