لو معاك فلوس كتيرة وجاي من السفر.. يبقي الفيديو ده ليك

لو انت من الناس عشاق السفر أو بتفكر تسافر قريب خارج مصر، أو بتخطط لسفيرة للعمل بالخارج يبقي الفيديو ده ليك ، خصوصا إنه هيعرفك بحدود الفلوس والعملات الأجنبية اللي مسموح بيها مع المسافرين، وكمان إزاي تقدر تعدي بأي رقم معاك من الفلوس بدون ما يحصل لك مشكلة أو يتعمل ليك محضر في المطارات أو المنافذ

أكيد سمعت في يوم أو قريت علي موقع خبري أو حتي مواقع التواصل الإجتماعي عن القبض علي راكب أو مسافر سواء في المطارات المصرية المختلفة أو منافذ الدخول بسبب أنه كان معاه فلوس كتير سواء نقد أجنبي أو نقد مصري، والسؤال هنا ليه الأجهزة الأمنية بتقبض علي حد جاي من السفر ومعاه قرشين هما شقي غربته سنين طويلة .

وقبل ما حد يضحك عليك ويقولك إن الدولة عايزة تزعج الناس وتاخذ منهم فلوسهم وتضحك عليهم، أنه هقولك علي الحل اللي لو معاك أي مبلغ أو العملات الأجنبية واللي تقدر تهدي بيهم من غير ما يحصل لك اي مشكلة أو حد يقولك اي حاجة.
الحل اللي هقولك عليه حدده القانون رقم 194 لسنة 2020 من قانون البنك المركزي والجهاز المصرفي واللي حدد ضوابط دخول النقد الأجنبي مع المسافرين وقت وصولهم من الخارج، وفقا للقانون ده دخول النقد الأجنبي مع المسافرين مكفول لكل الناس بشرط ان تقول عليه وقت وصولك للمطار في حالة لو كان اكتر من 10 آلاف دولار أمریكی او ما يعادلهم من العملات الأجنبية التانية .
طيب الكلام ده فيما يخص الناس اللي جاية من السفر، طيب هل في اجراءات علي الناس اللي مسافرين وهما معاهم دولارات كتير خصوصا لو كان اللي مسافر ده حد من المستثمرين أو رجال الأعمال أو حتي واحد رايح يعمل عملية أو اي حاجة برا مصر ؟.
القانون رقم 194 لسنة 2020، حدد برضوا حدود خروج النقد الأجنبي مع المسافرين واللي هو حق مكفول لكل المسافرين بشرط أنه ميزدش عن 10 آلاف دولار أمریكي او ما يعادلهم من العملات الأجنبية التانية، وممكن كمان المسافر ياخذ أكثر من كده بشرط أن يقول علي السبب الاساسي اللي هياخذ له المبلغ ده ويقدم الدائل اللي بتاكد كلامه.
القانون رقم 194 لسنة 2020، حظر علي المسافرين دخول أو خروج النقد المصري أو الأجنبي عن طريق الرسائل والطرود البريدية.