رقم واحد في العالم.. رحلة الفراوله المصرية المجمدة في الأسواق العالمية

 
ازاي مصر قدرت تسيطر على أسواق الفراولة المجمدة في العالم.. وياتري بتصدر كام طن في السنة وازاي قدرت تحافظ على عرش التصدير .. خليكم معانا للآخر وهتعرفوا التفاصيل في الفيديو ده. 
 

 
مصر بتعمل عظمة في ملف التصدير وفيه منتجات كتير غزت بيها أسواق العالم ومش كده وبس دا كمان احتلت المرتبة الأولى عالميا في التصدير زي ما حصل كده في منتجات التمور والفراولة المجمدة.. ايوا الفراولة المجمدة ولو متعرفش مصر مسيطرة على السوق العالمي ومفيش حد بينافسها كمان بسبب حلاوة الطعم وجودة التغليف والطلب الزيادة عليها في الأسواق الدولية.. ياترى الأرقام بتقول ايه ؟

الدكتور تميم الضوي  ودا نائب المدير التنفيذي للمجلس التصديري للصناعات الغذائية ورئيس وحدة ذكاء الأعمال بالمجلس كشف لنا أرقام مهمة في ملف الفراولة المجمدة وقال إن مصر بتحتل المركز الأول عالميا بتصدير الفراولة المجمدة سواء من حيث الكمية أو القيمة وقال كمان  إن مصر بتستحوذ على 26% من إجمالي صادرات العالم من الفراولة المجمدة خلال 2023.

وعشان نبقى عارفين قطاع الفراولة المجمدة بيعتبر قصة نجاح في الصادرات المصرية من الصناعات الغذائية على مدار السنوات الأربعة اللي فاتت وان  الطلب العالمي على الفراولة المجمدة بلغ 1.3 مليار دولار في سنة 2023، بنمو سنوي بنسبة 4%  من حيث القيمة والحجم من عام 2019 إلى عام 2023.

أما الأسواق الرئيسية المستوردة للفراولة المجمدة فتشمل الولايات المتحدة الأمريكية  بنسبة 24% وألمانيا بنسبة 9% وفرنسا بنسبة 8% وكندا بنسبة 5% واليابان بنسبة 5%، حيث شكلت مجتمعة 51% من الواردات العالمية، بينما مثلت الدول المصدرة الكبرى – مصر والمكسيك وبولندا وتشيلي والصين – مجتمعة 62% من الصادرات العالمية.

و مصر برزت كأكبر مصدر عالمي بقيمة صادرات بلغت 336 مليون دولار  و 313 ألف طن حيث الحجم، بحصة قيادية بلغت 26% خلال 2023.. وعن أهم الدول المستوردة للفراولة المجمدة من مصر خلال 2023، فعلى رأسها الصين بنسبة 14% وبقيمة 46 مليون دولار،  تليها ألمانيا بنسبة 12% وبقيمة 40 مليون دولار، ثم بولندا بنسبة 9% وبقيمة 29 مليون دولار، وهولندا بنسبة 9% وبقيمة 29 مليون دولار، وروسيا بنسبة 8% وبقيمة 28 مليون دولار، وأمريكا بنسبة 5% وبقيمة 18 مليون دولار.

الأهم بقي في موضوع تصدير الفراولة المجمدة إنه بيتم على أحدث النظم العالمية في التحضير والقطف والتغليف من خلال مصانع حديثة وكل سنة الكميات المصدرة بتزيد عشان كده مصر لتحافظ على ترتيبها في صدارة الأسواق العالمية واللي بيحصل في موضوع الفراولة المجمدة بيعكس خطط الدولة وتوجيهات القيادة السياسية في دعم التصدير واللي بيحصل دليل أن مصر تقدر تنافس دول العالم في صناعات كتير وتوفر مليارات الدولارات سنويا ولسه القوس مفتوح في صناعات تانية في الطريق.