المواني واللوجستيات.. مفاتيح قوة الدولة المصرية

معروف إن كل دولة في العالم ليها قوة ضعف ونقاط قوة في الاقتصاد يعني دولة عندها بترول وتانية عندها سياحة وتالتة عندها صناعة متقدمة وهكذا.. ياترى مصر ليها أنياب اقتصادية بتميزها عن غيرها من الدول وايه هي نقاط القوة المصرية الاقتصادية وازاي مصر هتستغلها عشان تاخد وضعها ..  كل ده هنعرفه مع حضراتكم في الفيديو ده خليكم معانا للآخر.

 
مصر وباختصار عندها 18 ميناء على البحرين الاحمر والمتوسط والدولة طورتها وصرفت عليها حوالي 130 مليار جنيه في 10 سنين بس ودا بيوروينا حجم الشغل اللي اتعمل في قطاع المواني المصرية في السنين اللي عدت واللي حولتها من مجرد أرصفة لتستقبل السفن لموانئ لوجستية عالمية ومحوىسو بتقدم كل الخدمات الملاحية والتجارية وبقت محور أساسي في التجارة الدولية وفي المنطقة.. ايوا هي دي أنياب مصر الاقتصادية.. المواني حضرتك وجمبهم طبعا اهم ممر ملاحي في العالم وهو قناة السويس هما نقطة قوة مصر الاقتصادية والتجارية بسبب موقعها الجغرافي المتميز .

ملف الموانئ المصرية لو فاكرين كان في مقدمة أولويات السيسي في بداية حكمه وكان عارف انها اكتر حاجه هتمثز مصر وهتديها مفاتيح القوة والتجارة الدولية وعشان كده اتنفذا أهم خطة  تطوير لكل المواني ومضاعفة أعماق وأطوال الأرصفة ، إنشاء محطات جديدة داخل الموانئ وإنشاء خطوط سكة حديد للربط بين الموانئ وبعضها والمناطق الصناعية ودا كله غير شبكة المواني الجافة اللي الحكومة عملتها ولسه بتعملها بجوار المناطق الصناعية

طيب مصر هتستفاد ايه من مشروعات الموانئ ماكل الدول عندها موانئ حضرتك؟

لا بقي الحكاية تختلف جدا مع مصر لان الموضوع مش موانئ بس لكن دا موقع جغرافي زي ماقلنا وكمان قناتين قديمة وجديدة بتعدي فيها أهم تجارة في العالم وليلة كبيرة اووي وعشان كده مفيش دولة في المنطقة قدرت ننافسك في الحكاية دي ومصر هدفها من تطوير الموانئ واللوجستيات أنها تبقي مركز للتجارة العالمية واللوجستيات، للاستفادة من موقع مصر الجغرافى على البحرين الأحمر والمتوسط، ووجود أهم ممر ملاحى عالمى وهو قناة السويس، بهدف إعادة مصر لموقعها الطبيعى كمحرك للتجارة العالمية، على أن تكون جميع الاستثمارات بقطاع الموانئ وتنمية ظهيرها بأموال مصرية، مع طرح تلك المشروعات للإدارة والتشغيل مع القطاع الخاص المصرى والعالمى للوصول للهدف الرئيسى، بجانب التوسع فى تدويل قطاع الخدمات اللوجستية المصرى للاندماج فى سلاسل الإمداد العالمية، بالاعتماد على تجارة الترانزيت المباشر وغير المباشر وإعادة التصدير لتصبح مركز توزيع رئيسيًا لمنطقة الشرق الأوسط والخليج وإفريقيا.

طيب ايه الجديد في موضوع المواني دا؟

اخر حاجة كانت النهاردة لما وفد الغرفة التجارية العربية البرازيلية التقى وليد جمال الدين رئيس الهيئة العامة للمنطقة الاقتصادية لقناة السويس واتكلموت عن  إقامة منطقة لوجستية تخزينية للحبوب والسكر والزيوت داخل المنطقة الاقتصادية لقناة السويس باستثمار شركات برازيلية... يعني البرازيل دخلت على خط الاستثمار في مصر كمان

المهم الوفد البرازيلي كام رفيع المستوى واتبسط جدا بزيارة المنطقة الاقتصادية والتعرف عن قرب على مقوماتها والمشروعات القائمة بها، بالإضافة إلى قدرة المنطقة الاقتصادية على أن تكون شريك أساسي للشركات البرازيلية والعالمية.. طبعا دا مشروع مهم جدا لانه يعتمد على تخزين وشحن سلع استراتيجية وعالمية وإعادة تصديرها ودا بيدي قوة مضاعفة للاقتصاد المصري وانيابها الاقتصادية.