هتصرف الفوايد بشكل يومي.. مزايا الحساب الجديد من بنك قناة السويس 

في الساعات الأخيرة، بنك قناة السويس، طرح حساب جاري جديد بسعر فائدة سنوي بتوصل ل 23%، واسمه حساب "يومي كاش".

ومن أهم مزايا حساب" يومي كاش" الجاري، إن متاح صرف العائد بتاعه كل يوم.

ضيف على ده، إن حساب يومي كاش بيقدم للعملاء الأفراد بعملة الجنيه المصري فقط، وبيُتيح عائد شرائح تصاعدي لأنه العائد بيُصرف بشكل يومي، بدءًا من 15% سنويًا لشريحة أقل من 500 ألف جنيه، و16% سنويًا لشريحة من 500 ألف جنيه حتى 1 مليون جنيه، 20% سنويًا من شريحة 1 مليون جنيه حتى 5 مليون جنيه، و20.75% سنويًا لشريحة من 5 مليون جنيه حتى 10 مليون جنيه، 21.25% سنويًا لشريحة من 10 مليون جنيه حتى 20 مليون جنيه، 21.50% سنويًا لشريحة من 20 مليون جنيه حتى 50 مليون جنيه، 22% سنويًا لشريحة من 50 مليون جنيه حتى 100 مليون جنيه، و23% سنويًا لشريحة 100 مليون فأكثر.

ومن مزاياه كمان، إمكانية إصدار وتحصيل الشيكات، سهولة تحويل الأموال، إمكانية الإيداع والسحب النقدي، إمكانية الحصول على بطاقة خصم مُباشر، بالإضافة لسداد رصيد بطاقة الائتمان دون أي رسوم، وسداد الفواتير نيابة عن العميل (الكهرباء، الهاتف).

كمان، ممكن للعملا إدارة حساباهم ده بسهولة من خلال القنوات المصرفية المتنوعة لبنك قناة السويس ومن ضمنها الانترنت البنكي.

أما عن شروط فتح الحساب والمستندات المطلوبة، فهي صورة البطاقة الشخصية وإيصال مرافق حديث، زي فاتورة المياه أو الكهرباء أو التليفون الأرضي، وبالأوراق جي تقدر تفتح حسابك "اليومي كاش" في أي فرع من فروع بنك قناة السويس.

ومتاح كمان تفتح الحساب بدون حد أدنى للرصيد، وفي أي وقت، وبإجراءات وشروط ميسّرة وذلك من خلال فروع البنك ال 52 على مستوى الجمهورية، فلو يناسبك حساب يومي كاش انزل على أي فرع وافتح حسابك.