لو أنت من عشاق الفضة.. اعرف أسعارها وأحسن عيار تهادي بيه

هي أسعار الفضة عاملة كام دلوقتي، وهل تنفع تكون هدية قيمة وفي نفس الوقت أقل في التمن من الدهب، وإزاي تجيب أحسن هدية فضة وأحسن عيار.. هنقولك كل التفاصيل في الفيديو ده فتابعنا للآخر. 
 

في ناس كتير بتعشق الدهب، عشان قيمته عالية مقاما وسعرا خاصة لما يجيلك على شكل هدية، ولكن في كتير مايعرفوش قيمة الفضة فرغم  إن أسعارها أقل من الدهب إلا أنها هتفضل الأشيك والأفضل عند الهدية.

عشان كده، سوق الفضة بيشهد إقبال كبير خاصة على السبايك، من بداية السنة اللي فاتت 2023، وده جه بالتزامن مع ارتفاع سعر الذهب وتخطى سعر العيار 21 قيمة 3700 جنيه.

وأسعار الفضة انهاردة بالأسواق المحلية، بتشهد حالة من الاستقرار النسبي للأوقية، ووصل سعر جرام عيار 800 جوالي 42 جنيه، في حين استقرت الأوقية في البورصة العالمية عند مستوى 33.68 دولار.

كمان، سعر جرام الفضة عيار 999 سجل 52.50 جنيه، وسجل سعر جرام الفضة عيار 925 حوالي 48.50 جنيه، في حين سجل الجنيه الفضة مستوى 420 جنيه.

وكانت أسعار الفضة بالأسواق المحلية، ارتفعت بنسبة 7.7 %، يعني بقيمة 3 جنيهات، في تعاملات الأسبوع اللي فات، ووقتها افتتح سعر جرام الفضة عيار 800 التعاملات  39 جنيه، واختتم التعاملات عند مستوى 42 جنيه، في وقت ارتفعت أسعار الفضة بالبورصة العالمية بنسبة 0.3 %، وبنحو 0.11 دولار، أما الأوقية فافتتحت التعاملات عند مستوى 33.78 دولار، ولامست مستوى 35 دولار، وهو أعلى مستوى لها في 12 سنة، لكنها اختتمت التعاملات عند مستوى 33.67 دولار.

ونقدر نقول، إن أوقية الفضة سجلت أعلى مستوى من بداية السنة عند 34.86 دولار، وعشان نعرف أسباب انخفاض أسعار الفضة، فوفقا للخبراء في المجال ده، فنقدر نقول إن ارتفاع الدولار وعائدات سندات الخزانة الأمريكية، ساهم في الحد من ارتفاع أسعار المعدن الرمادي.

لكن في الأيام الجاية، متوقع ارتفاع سعر الفضة تاني، خاصة مع تزايد التوقعات بخفض أسعار الفائدة من قبل بنك الاحتياطي الفيدرالي، بجانب حالة عدم اليقين السياسي بخصوص الانتخابات الرئاسية الأمريكية.

والكلام ده معناه، إن ممكن جدا أسعار الفضة في مصر خلال الفترة الجاية، ترتفع بسبب زيادة الطلب عليها واستهلاك كميات كبيرة من الفضة عالميًا ومحليا في صناعات كتير، يعني ممكن يوصل سعر عيار 999 ل 60 جنيه للجرام الواحد.

وقبل ما تشتري الفضة، هنقولك على شوية نصايح عشان ماتتخمش، واللي أولها إن حضرتك تتأكد من وجودة علامة مصلحة الدمغة والموازين عليها، وكمان تشتري من ماركة معروفة، وماتنساش تسلم فاتورة مكتوب فيها سعر الجرام واسم الشركة ووزن السبيكة، وياريت تشتري السبايك بدل المشغولات لأنها أفضل في الادخار، وماتنساش تاخد فاتورة باللي اشتريته عشان تضمن حقك كويس.