مشروعات بالمليارات ومراكز تجارية.. وزارة التموين بتعمل إيه في المحافظات

يا ترى إيه اللى بتنفذه وزارة التموين دلوقتي في محافظات مصر، وإيه سر عودة نشاط النجارة الداخلية من جديد، وإيه هي طبيعة المشروعات اللي نفذتها في الشرقية وبني سويف وناوية تعممها على كل المحافظات، وإزاي هتنعكس بالإيجاب على حياة المواطن البسيط.. هنقولك كل التفاصيل في الفيديو ده. 
 

خلال الساعات الأخيرة، جهاز تنمية التجارة الداخلية التابع لوزارة التموين والتجارة الداخلية، وقع عقود إنشاء مشروعات ومراكز تجارية جديدة في محافظتين وهما الشرقية وبني سويف.

والمشروعات دي بتشمل أنشطة متنوعة، زي هايبر ماركت وأسواق جملة ومناطق ترفيهية وأندية اجتماعية وخدمات حكومية ومحطات خدمة وتمويل سيارات ومخازن أدوية وأنشطة تجارية كمان.

وبالفعل، تم عقود إنشاء 3 مشروعات ومراكز تجارية مع كل شركة إعمار وكمان شركة تشيلو، عشان كده قال وزير التموين الدكتور شريف فاروق، إن التجارة الداخلية هي محرك رئيسي للنمو الاقتصادي، وبتساهم في خلق فرص العمل المباشرة والغير مباشرة وكمان بتعزز الاستهلاك المحلي.

وقال كمان الوزير، إن الاقتصاد المصري بيتسم بالتنافسية المتزايدة، عشان بنلاقي شراكة مع القطاع الخاص بتشكل حل فعّال لتجاوز التحديات اللي بتواجه القطاع ده، وكمان البنية الأساسية للتجارة الداخلية هي واحدة من العوامل الحاسمة في تعزيز الكفاءة والنمو الاقتصادي، لأنها بتشمل كل ما يتعلق بالشبكات الخدمية، والطرق، والمخازن، وأسواق الجملة، والنماذج التجارية التانية اللي بتعمل على وصول المنتجات والخدمات للمستهلك النهائي، واللي بالتأكيد بتلعب دور أساسي في تسهيل حركة السلع والخدمات بين محافظات الجمهورية.

ونقدر نقول، إن تطوير البنية الأساسية بيساهم كمان في تعزيز الربط بين المنتجين والمستهلكين، وده بينعكس بالإيجاب في استقرار الأسعار وبيزيد من جودة المنتجات المعروضة في الأسواق.

وانعكاسا على محافظتي الشرقية وبني سويف، فالمشروعات  الجديدة المقرر إنشاؤها هناك، هتشمل أنشطة تجارية متنوعة وتقدر إجمالي استثمارات بـ 4.8 مليار جنيه، عشان كده، مهم جدا التعاون بين القطاعين العام والخاص لتحقيق الهدف ده.

كل ده دفع وزير التموين للتوجيه بتذليل أي عقبات تواجه المطورين في تنفيذ المشروعات الجديدة والمراكز التجارية، والتوسع في الأنشطة التجارية الكبرى، بالمحافظات المختلفة .

كمان، وزارة التموين خلال الفترة دي، بتقوم بتنفيذ اكتر من 18 مشروع في مجال التجارة الداخلية في 12 محافظة بتكلفة استثمارية بتتعدى 60  مليار جنيه، ومن المقرر التوسع في إنشاء المناطق دي في باقي محافظات الجمهورية.

ومن ضمن المشروعات اللي اتنقذت مؤخرا، هو منطقة أرض الكريمات في بني سويف، واللي اتبنت على مساحة 47 فدان وباستثمارات تقترب من 3.8 مليار جنيه، ووفرت حوالي 30 ألف فرصة عمل مباشرة وغير مباشرة، وبتتضمن أنشطة مركز تجاري وأسواق جملة ومنطقة ترفيهية ونادى اجتماعى رياضى وقاعة مؤتمرات ومراكز تدريب وخدمات حكومية ومحطة خدمة وتموين سيارات ومخازن أدوية، وغيرها من المناطق اللي هتوسع أنشطة التجارة الداخلية وتدفع عجلة الاقتصادي انها تحقق مزيد من الدوران والانطلاق لمستقبل مشرق بإذن الله.