جهز ورقك.. هتستلم فوري في 15 مدينة.. التفاصيل كلها في الفيديو
يا ترى إيه قصة الوحدات السكنية الجاهزة للتسليم الفوري، واللي هتعلن عنها الحكومة خلال ساعات، وهيتم طرحها في كام مدينة ومساحتها كام، وكام مواطن هيقدر يستفيد فيها، وكام مقدم التقديم ومستمر لامته.. هنقولك كل التفاصيل في الفيديو ده فتابعنا للآخر.
وزارة الإسكان والمرافق والمجتمعات العمرانية، هتعلن انهاردة عن بدء التقدم للحجز بأكبر طرح للوحدات السكنية الجاهزة للتسليم الفوري، عشان توفي بالتزامها وتوفر شقق لملايين المواطنين وخاصة الشباب المقبل على الجواز.
والوحدات اللي بيتم طرحها دي، بتشمل 6575 وحدة سكنية، وبيتم إتاحة نسبة 5 % يعني 330 وحدة للمواطنين ذوي الههم من إجمالي الوحدات المطروحة في 15 مدينة جديدة، واللي هي: (القاهرة الجديدة - العلمين الجديدة - المنصورة الجديدة ـ 6 أكتوبر - أكتوبر الجديدة - حدائق أكتوبر - بدر - العبور - الشروق - العاشر من رمضان - السادات - المنيا الجديدة - غرب قنا الجديدة - ناصر "غرب أسيوط" - دمياط الجديدة).
وبالنسبة لشروط التقديم للوحدات وأسلوب الحجز والموقع والمساحات والأسعار وأسلوب السداد وكراسات الشروط، فبتكون متاحة على موقع "مسكن - محور الوحدات"، اعتبارا من الأحد الموافق 27 أكتوبر 2024، ولغاية يوم الخميس الموافق 26 ديسمبر 2024، وهيتم الإعلان عن ميعاد ومكان القرعة العلنية اليدوية بين المتقدمين في موعد لاحق بعد غلق باب الحجز على الموقع.
أما المهندس شريف الشربيني، وزير الإسكان، فقال إنه تنفيذاً لتوجيهات الرئيس عبدالفتاح السيسى، فوزارة الإسكان، ممثلة فى هيئة المجتمعات العمرانية الجديدة، بتستهدف التوسع فى طرح الوحدات السكنية بمختلف أنواعها، عشان تلبي الطلب المتزايد على الوحدات بالمدن الجديدة، وتقدر تدفع عجلة التنمية بها، وتحقق رغبة المواطنين بمختلف شرائحهم فى التملك، وتحقيق التنمية المطلوبة.
كمان الوحدات المطروحة، بتتنوع ما بين سكن مصر ودار مصر وجنة، وإسكان متميز، وغيرها.
وبالنسبة للفئات اللي متاح لها تقدم عشان تحجز الشقق دي، فهم المواطنين الطبيعيين أو المواطنين ذوى الهمم أو ذويهم بولاية، بس لازم الشخص المستحق يسجل بياناته للتسجيل على الموقع الإلكتروني "مسكن - محور، زي ما قولها.
وفي البداية، حضرتك هتدخل البيانات الأساسية بتاعتك، زي (الاسم - الرقم القومي - البريد الإلكتروني - رقم التليفون - العنوان - رقم كارت الخدمات المتكاملة"لذوي الهمم" )، وترفق صورة بطاقة الرقم القومي، وكارت الخدمات المتكاملة لذوي الهمم.
بعد كده، بيقوم المتقدم بالدخول على المدينة المراد الحجز بها واختيار المشروع، واختيار الدور (أرضى - متكرر - أخير)، بعدين بيقوم بسداد مبلغ جدية الحجز ومصاريف الدراسة على الرقم المرجعي اللي تم استخراجه من الموقع بأحد الوسائل الآتية (ماستر کارد - سداد كاش عن طريق فورى بلس - تحويل بنكي عن طريق بنك التعمير والإسكان)، ولازم يتم إرفاق مستند السداد على الموقع).
ونقدر نقول، إن بعد انتهاء فترة التقديم للحجز، بيتم مراجعة طلبات الحجز المقدمة، وحصر أعداد المتقدمين المستوفين للشروط والمسددين لجدية الحجز، وإخطارهم بموعد ومكان إجراء القرعة بين المتقدمين، عشان تبدأ إجراءات القرعة بذوي الهمم أولا، بعدين يتم استكمال إجراءات القرعة لباقي الحاجزين من المواطنين.
فلو حضرتك ناوي تحجز شقة إسكان اجتماعي، فالحق جهز ورقك وقدم على الموقع الإلكتروني.
