وصل تمنها لـ20 مليون جنيه.. شوف نمر العربيات المميزة بتتباع إزاي

كل يوم بنسمع عن مزاد لبيع لوحة عربية، وبنسمع أرقام كبيرة جدا ان شخص اشتري لوحة مميزة برقم خرافي .. يا تري إيه حقيقة الكلام ده ولو أنا عايز اشتري لوحة للعربية باسمي اعمل اية وايه الاجراءات اللي ممكن اشتري بيها لوحة باسمي

من فترات طويلة والدولة قررت تغيير اللوحات القديمة واللي كان مكتوب عليها نقل أو أجرة إلي النوع الجديد من اللوحات واللي هيا بالحروب، وأغلبنا للاسف مش فاهم الحروب دي بترمز لايه، وفي حاجات معينة بس من الحروف دي ممكن يدي الواحد فينا اسم معين أو معني معين.
النوع ده من اللوحات بتاع العربيات واللي بيدي اسم او معني معين زي «رجب و قمر  ومصر» وغيرها من الاسماء المعروف أو لو حرف واحد، بيدفع فيها ارقام كبيرة بتوصل لملايين الجنيهات وبتعمل عليها مزادات وفي ناس كتيرة بتدخل في النوع ده من المزادات علشان خاطر ياخذ نمرة ليها معني أو حرف له ذكري أو معزة خاصة بالنسبة لصاحب العربية .

طيب اية هيا أبرز اللوحات اللي بيحصل عليها مزادات؟.
وزارة الداخلية في اليومين اللي فاتو طرحت لوحة معدنية مميزة سعرها وصل لأكتر من 20 مليون جنيه، ودي واحدة من أغلي اللوحات المعدنية اللي اتباعت في 2024، واللوحة دي كانت مكتوب عليها حرف "ط 7"  وصل سعرها لـ20 مليون و180 ألف جنيه، واتعمل عليها مزاد دخل فيه  4 أشخاص.
في برضوا لوحات تانية اتعمل عليها مزادات زي" ر ج ب 2666" ووصل سعرها لـ 95 ألف جنيه، واللوحة " م أ م 1 " وصل سعرها لـ 770 ألف جنيه، واللوحة " ه م م 666" وصل سعرها لـ 190 ألف جنيه.
طيب ازاي النوع ده من المزادات بيحصل علي لوحات العربيات؟.
النوع ده من المزادات اللي بتنظمه هيا وزارة الداخلية واللي بتعلن عن شروط المزاد واللوحة اللي هتطرحها للمزاد، والناس بتبدأ تقدم علشان تدخل وتنافس واعلي سعر بيوصل له المزاد بيشتري اللوحة، وفي الحالة دي وزارة الداخلية بتديه شهادة تفيد ملكيته لحق استخدام الحروف والأرقام المميزة للوحة المعدنية وكمان بيكون له حق التوريث لولاده.
وزارة الداخلية قالت كمان، ان العربيات اللي عليها حروف مميزة بتخضغ لكل القوانين المعمول بها في مصر وبتطبق عليها كل الشروط واللوائح الخاصة بقانون المرور ولائحته التنفيذية ومش بتحصل على أى استثناء في المرور.

وزارة الداخلية قالت كمان، أن حق استخدام كل الأسماء والعلامات التجارية وأسماء وعلامات الخدمات وأسماء المقتنيات والشعارات والصور بتعود اللي له حقوق الملكية الفكرية بس، والوزارة لها حق إلغاء المزاد على اللوحة في حالة أن سعر اللوحة مجبش السعر اللي حددته الوزارة للبيع .