بـ20 ألف جنيه.. التفاصيل الكاملة للطرح الجديد لشقق محدودي ومتوسطي الدخل

من يوم ما اعلن وزير الاسكان والمرافق العمرانية شريف الشربيني عن تجهيز إعلان جديدة لسكن كل المصريين لمحدودي ومتوسطي الدخل والناس ملهاش كلام غير علي الموضوع ده.. ياترى سعر الشقة في الاعلان ده هتوصل لكام وامتي الناس تقدر تقدم في الاعلان الجديد

من فترة المهندس شريف الشربيني وزير الإسكان اعلن عن تجهيز طرح جديد لشقق سكن كل المصريين لمحدودي ومتوسطي الدخل، باجمالي 70 ألف وحدة سكنية منهم 60 الف وحدة لمحدودي الدخل و10 آلاف وحدة لمتوسطي الدخل، وقال كمان أن فيه نسبة من شقق الاعلان الجديد هتكون جاهزة للتسليم الفوري والباقي هيكون بعد 36 شهر من تاريخ الإعلان.

طبعا من يوم الكلام ده وكل الناس مستنية تفاصيل الإعلان الجديد والمقدم بتاعتها وسعر الشقة هيوصل لكام واية هيا الشروط اللي حددتها الوزارة لقبول المتقدمين والحصول علي الشقق.
طيب اية هيا تفاصيل الإعلان الجديد من سكن كل المصريين 5؟.
من ساعات قليلة بس صندوق الإسكان الاجتماعي ودعم التمويل العقاري اعلن عن تفاصيل حجز شقق الإسكان الاجتماعي ضمن المبادرة الرئاسية سكن لكل المصريين 5، لمحدودي ومتوسطي الدخل بأجمالي 78730 وحدة سكنية وبمساحات تتراوح بين 75 و90 متر مربع، منهم 12990 شقة جاهزة للتسليم الفوري.
صندوق الاسكان الاجتماعي اعلن كمان عن تفاصيل أسعار شقق الإسكان الاجتماعي 2024 لمحدودي الدخل في المدن الجديدة وهيوصل مقدم جدية الحجز لـ 20 الف جنية للتقديم علي الشقق في المحافظات و 30 ألف جنيه للتقديم علي الشقق الجديدة في المدن، وهيوصل سعر الشقة في الشقق اللي جاهزة للتسليم الفوري من 415 ألف جنيه إلي 530 ألف جنيه، والشقق دي موجود في مدن أكتوبر الجديدة والعاشر من رمضان وبرج العرب الجديدة ومدينة السادات وأخميم الجديدة وسوهاج الجديدة والمنيا الجديدة وقنا الجديدة وغرب قنا وطيبة الجديدة وأسوان الجديدة.
اما عن الشقق اللي هتكون تسليم بعد 36 شهر لمنخفضي الدخل فدي اسعارها هتتراوح من  542 ألف جنيه لـ700 ألف جنيه وهيوصل عددها لـ 41782 وحدة سكنية وهتكون موجودة في حدائق العاصمة و15 مايو وأكتوبر الجديدة وحدائق أكتوبر والعاشر من رمضان وبرج العرب الجديدة ومدينة السادات والمنيا الجديدة وأسوان الجديدة

الصندوق حدد كمان موعد بدء حجز الشقق في الاعلان الجديد وهيبدا الحجز من يوم الإثنين 18 نوفمبر اللي جاي ولحد يوم الإثنين 25 نوفمبرمن نفس الشهر للمواطنين من ذوي الهمم فقط، وهيكون متاح لكل الناس اعتبارًا من يوم الثلاثاء 26 نوفمبر ولمدة شهر هتنتهي يوم الثلاثاء 24 ديسمبر 2024، وهتطرح كراسة الشروط بسعر  300 جنيه ووالمنواطن هيسدد المصروفات الإدارية بـ 355 جنيه، وهيوصل مقدم جدية الحجز لـ 30 ألف جنيه للمدن الجديدة من مكاتب البريد المميكن بالمدن المطروح بها الوحدات السكنية، وهتكون الشقق دي متاحة من خلال الموقع الرسمي لصندوق الإسكان الاجتماعي ودعم التمويل العقاري.
مش كده بس لا ده كمان الصندوق أعلن عن  شروط الحصول على شقق الإسكان الاجتماعي بنظام التمويل العقاري وحظر الشراء نقدًا، وهتوصل الفايدة لمنخفضي الدخل للشقق الجديدة لـ 8% سنويًا.