109 مليون راكب سنويا.. شوف مستهدفات وزارة الطيران بنهاية سنة 2030
وزارة الطيران بتعمل عظمة، مطارات جديدة اتبنت وخطوط تانية اتوسعت فيها في السنين الأخيرة، ومش بس كده لأ ده كمان طاقة نقل عالية لركاب الطائرات.
عشان كده، وزارة الطيران المدني بتستهدف دلوقتي تنفيذ خطط تطوير عشان تزود القدرات الإستيعابية للمطارات المصرية، وبتستهدف تنقل 72.2 مليون راكب سنويا بنهاية عام 2025 مقارنة بـ66.27 مليون راكب في ديسمبر 2023.
واتكلم وزير الطيران المدني أكد الدكتور سامح الحفني، عن خطط التطوير، وقال إن الوزارة عندها كل المقومات لنقل 109 مليون و20 ألف راكب راكب بنهاية سنة 2030.
كل ده بيأكد حرص الوزارة على دراسة أفضل الممارسات فى صناعة الطيران المدني والعمل على تطبيق ما يتناسب من الممارسات دي عشان تعظم وتطور الأداء بشكل مستمر.
كمان، في توجه نحو طرح وإدارة وتشغيل المطارات المصرية لشركات أجنبية، وده بالتأكيد هيُعظّم من عوائد المطارات ويحسّن من تجربة المسافرين، عشان كده وزارة الطيران شغالة دلوقتي على تعزيز الشـراكات الإستراتيجية لجذب مزيد من الاستثمارات الأجنبية المباشرة في قطاع الطيران المدني، وده بيتم من خلال إنشاء مناطق استثمارية حول المطارات المصـرية.
ومش بس كده، الوزارة كمان حريصة على الإلتزام بالمعايير البيئية كعنصـر أساسي ورئيسي فى مختلف أنشطة ومشروعات الطيران المدني، وده بيجي تنفيذا لرؤية الدولة المصرية نحو التحول لمسار الإقتصاد الأخضر ومنظومة طيران أكثر استدامة.
