مفأجاة سارة من الإسكان لمنخفضي ومتوسطي الدخل.. شوف اللي هيحصل

هي إيه المفاجأة السارة اللي بتجهزها وزارة الإسكان لمنخفضي ومتوسطي الدخل، وإيه علاقتها بقرار تغيير حدود الدخل لوحدات "سكن لكل المصريين"، وإيه الهدف من الخطوة دي في الوقت ده بالذات.. هنقولك كل التفاصيل في التقرير ده فتابعنا للآخر. 
 

في الساعات الأخيرة، المهندس شريف الشربيني وزير الإسكان، أعلن عن تغيير حدود الدخل الخاصة بالمواطنين الراغبين في التقدم لحجز وحدات سكنية، وده ضمن الطرح الجديد لصندوق الإسكان الاجتماعي ودعم التمويل العقاري.

والقرار ده بيجي ضمن المبادرة الرئاسية "سكن لكل المصريين" للمواطنين منخفضي ومتوسطي الدخل، ومن الواضح إن القرار ده مابيتمش بصورة عشوائية، ولكن نتيجة لدراسة متأنية ودقيقة للأوضاع الاقتصادية وحدود الدخل بالنسبة للفئة المستهدفة من الإعلان.

عشان كده، هيحصل تغيير في حدود الدخل بهدف منح فرصة أكبر لفئات أوسع من المواطنين، عشان يقدموا ويقدروا يحدزوا وحدة سكنية مدعومة، وكل ده بيساهم في تحقيق هدف توفير السكن الملائم للمواطنين.

أما بخصوص المواطنين منخفضي الدخل الراغبين في التقدم للحصول على وحدة سكنية ضمن الطرح الجديد، فأصبح الحد الأدنى لصافي الدخل الشهري لصاحب الطلب للتعامل بنظام التمويل العقاري 3500 جنيه، وضروري جدا بردو مايزدش صافي الدخل الشهري أو السنوي من كل مصادر دخل صاحب الطلب من المواطنين منخفضي الدخل عن 15 ألف جنيه شهريًا بواقع 180 ألف جنيه سنويًا، وده بالنسبة للأسرة، و12 ألف جنيه شهريًا بواقع 144 ألف جنيه سنويًا بالنسبة للفرد.

أما بخصوص متوسطي الدخل الراغبين في التقدم للحصول على وحدة سكنية، فلازم يكون االحد الأدنى لصافي الدخل الشهري لصاحب الطلب للتعامل بنظام التمويل العقاري 12 ألف جنيه، ومايزيدش عنىذ 25 ألف جنيه شهريًا بواقع 300 ألف جنيه سنويًا للأسرة، و20 ألف جنيه شهريًا بواقع 240 ألف جنيه سنويًا للفرد.

فلو حضرتك ناوي تقدم على شقة سكن لكل المصريين، فخليك حريص على الشروط وتوكل على الله وقدم في أقرب وقت.