14 ألف جنيه.. الحكومة تعلن عن آلاف الوظائف الجديدة.. شوف الشروط وإزاي تقدم

إيه قصة الوظايف الجديدة اللي أعلنت عنها الحكومة في الساعات الأخيرة.. وهل هتكون قطاع عام ولا خاص، وللشباب بس ولا كل الأعمار، وإيه هي الشروط وإزاي الناس تقدم عليها.. هنقولك كل التفاصيل في الفيديو ده فتابعنا للآخر. 
 

في الساعات الأخيرة، وزارة العمل أعلنت عن فرص عمل جديدة في نشرة التوظيف النصف شهرية، اللي بتطلع كل شوية.

وقالت، إن متاح فرص عمل في المحافظات، بالتنسيق مع شركات القطاع الخاص، بعدد 84  شركة في 11 محافظة، وطلبت تسكين الشباب على 5548 وظيفة في تخصصات مختلفة.

ورواتب الشركات دي هتوصل ل 14000 جنيه شهريا، وأقل موظف هياخد الحد الأدنى للأجور اللي هو 6 آلاف جنيه، كمان هتضمن لهم تأمين صحي واجتماعي.

أما عن التقديم على الوظائف دي، فبتكون خلال شهري أكتوبر ونوفمبر ، عن طريق مكتب الإدارة العامة للتشغيل بمقر وزارة العمل القديمؤ في مدينة نصر، أو ممكن تقدم ورقك في مديريات العمل بالمحافظات، أو أرقام وعناوين الشركات، ،وكمان الموقع الرسمي لوزارة العمل على الإنترنت.

ولو حضرتك عايز تعرف المحافظات والتخصصات المطلوبة، فهي هتكون للمقيمين في محافظات القاهرة، والجيزة ، والقليوبية، والغربية ، والدقهلية ، والشرقية، والسويس ، ودمياط ، والمنوفية ، والمنيا، وجنوب سيناء..

وعن التخصصات، فهي : أخصائي تسويق ، ومهندس اتصالات ، و رسام أوتوكاد ، وأخصائى عمليات، ومترجم لغة صينية ، وكيميائى ، ومحاسبين ، ومدير مالى ، ومدير تسويق عقارى ، ومدرسين ، وأخصائى نظم معلومات ، ومشرف تنجيد ، و ليدى جارد – إناث ، ومشرف عام ، ومشرف موقع ، وشيف حلوانى ، وكيميائى ، وأخصائى تمريض ، وأخصائي مشتريات ، وفنى تمريض، ومدخل بيانات ، وبائعين، ومساعد شيف ، ومقدم طلبات ، واخصائى تمويل ،وأمين مخازن،  ومهندسين كهرباء وميكانيكا ،وإنتاج وجودة ، وسكرتارية، وأعمال إدارية، وسائقين رخصة أولى وثانية وثالثة ،ومندوبين مبيعات ، ومراقبين جودة، وفنيين جميع التخصصات، ومشرفي إنتاج ، وأفراد أمن، وعمال خياطة بكافة الأقسام ،وعمال انتاج ، وعمال نظافة، وتخصصات تانية.

وكل ده بيجي كخطوة ضمن تحقيق أهداف المبادرة الرئاسية "بداية جديدة لبناء الإنسان"، فبيتم إتاحة فرص عمل جديدة للشباب عشان تساهم في تحجيم البطالة.

وعشان ماتنساش، فكل مديريات العمل بالمحافظات مستعدة لاستقبال طلبك وورقك، كمان في تشديد من وزير العمل بنفسه، إن أقل مرتب هيكون 6 آلاف جنيه، بجانب وجود رعاية وتأمين طبي على حضرتك.

وفي النهاية، لو حضرتك عايز تشتغل ومستوفي الشروط، فالحق لم ورقك وماتترددش.