يالا شغل فلوسك.. لو معاك 100 ألف جنيه هتكسب 75 ألف.. هنقولك إزاي
ناس كتير بتدور على طريقة آمنة عشان يدخروا فيها فلوسهم، خاصة بعد ارتفاع أسعار السلع ومن هنا بتبدأ الحيرة، يحطوا الفلوس في بنك ولا عقار ولا دهب؟
كتير بيفكروا يدخروا مبلغ معين من فلوسهم أو جزء من تحويشة العمر في شهادة إدخار، بحيث يطلع لهم منها فلوس كل مدة وفي نفس الوقت تبقى ادخار آمن.
ولو أنت من الناس دي، ومعاك 100 ألف وعايز تدخرهم عشان يطلع لك فلوس منها، فبنك التنمية الصناعية الحكومي، بيقدم لك شهادة "اختيارك" بدوريات صرف متنوعة وعوائد مرتفعة، ومنها عائد بيوصل ل 25% سنويًا، بس مدة الشهادة بتكون 3 سنيه وبتتصرف بشكل سنوي.
وممكن تشتري شهادة اختيارك بعائد 25% سنويًا، بـ50 ألف جنيه في أول مرة، وممكن تزودها بمضاعفات الـ5 آلاف جنيه بدون حد أقصى، كمان ممكن لصاحب شهادة ال 100 ألف جنيه، يحصل على عائد 25 ألف جنيه سنويًا، يعني الإجمالي 75 ألف جنيه خلال الـ3 سنين مدة الشهاده.
وشهادة اختيارك من بنك التنمية الصناعية اسمية ولا يجوز التنازل عنها، والعائد على الشهادة ثابت طوال المدة يعني ال 3 سنين، وممكن كمان للأفراد الطبيعيين فقط المصريين أو أجانب شراء الشهادة، كمان البنك بيتيح الشراء باسم قاصر بحسب شروط محددة، ومسموح استرداد الشهادة بعد مرور شهور من تاريخ الشراء، كمان متاح احتساب العائد من اليوم التالي لشراء الشهادة.
وبنك التنمية الصناعية بيتيح كمان إمكانية الاقتراض بضمان الشهادة في حدود 95% من قيمتها.
