ايه اللي هيحصل بعد زيادة أسعار البنزين والسولار.. حرص الأيام الجاية
طبعا كل الناس عرفت أن لجنة تسعير المواد البترولية طلعت قرار بزيادة أسعار البنزين والسولار و الكيروسين وغاز تموين السيارات بحوالي 2 جنيه و1000 جنيه لكن المازوت و تثبيت المازوت المورد للكهرباء و الصناعات الغذائية واللجنة فسرت الزيادة الجديدة لتقليل الفجوة بين أسعار بيع المنتجات البترولية وتكاليفها الإنتاجية والاستيرادية المرتفعة وترشيد الاستهلاك بعد ارتفاع الأسعار العالمية بشكل مخيف نتيجة الظروف الجيوسياسية في المنطقة.
القرار اتاخد والناس بتسأل دلوقتي ايه اللي هيحصل بعد ارتفاع أسعار المواد البترولية اللي قلنا عليها.. طبعا مفيش كلام إن الزيادة هيكون ليها تأثير سلبي على الأسواق والاسعار ودا لأن زيادة البنزين والسولار و الكيروسين والمازوت معناه زيادة في تكلفة الصناعات المعتمدة على المنتجات البترولية دي وبالإضافة لارتفاع أسعار تعريفة السرفيس أو وسائل النقل للمواطنين أو لسيارات نقل البضائع والخضروات وغيرها ودا لأن التجار والمصنعين بيضيفوا الزيادة في كلفة النقل على تمن السلعة الأساسي واللي في النهاية بيتحملها المواطن أو المستهلك الأخير.
مش بس اسعار السلع اللي هتزيد لكن كمان أسعار السيارات واللي هتتاثر سلبي بالقرار ودا اللي قاله عضو بشعبة السيارات واللي أكد في كلامه إن الأسعار هتزيد 10% بعد رفع سعر البنزين والسولار.. حد يسأل طيب ليه أسعار السيارات هتزيد.. هقولك عشان زيادة نعريفة المواصلات للمرة التانية خلال شهور قليلة هيخلي ناس كتير تغامر وتشتري سيارة خاصة ايا كانت حالتها عشان يوفر اللي بيدفعه في المواصلات.
طيب تعمل ايه مع زيادة الأسعار؟.. مش هقدر نقولك غير أن ترشد استهلاكك على قد ما تقدر وتخفف مشاويرك اللي مش ضرورية وتحاول تلاقي طريقة لزيادة دخلك.
