هدية مصر للعالم .. رحلة داخل المتحف المصري الكبير

 

 
النهاردة في حدث مهمة ومحل أنظار العالم، وهو بدأ مرحلة التشغيل التجريبي للمتحف المصري الكبير واللي هيفتح أبوابه للزوار النهاردة .
 

وتعالي أخدك في جولة سريعة كده داخل المتحف المصري الكبير وخليك معايا علشان تشوف وتسمع تفاصيل اول مرة تعرفها . 
 

المتحف في  12 قاعة عرض رئيسية للمرة الأولى، وتعرض حوالي 24 ألف قطعة أثرية على مساحة تقارب 6 أفدنة، دا طبعا بالإضافة إلى الأجزاء التي تم تشغيلها سابقًا.

ومش بس كده يا صديقي دا  الزائر خلال الجولة في المتحف هيشوف عرض أثري تاريخي لفترات عصور ما قبل التاريخ، وعصور ما قبل الأسرات، وعصر بداية الأسرات والدولة القديمة والوسطى والحديثة واليونانى الروماني، والعصر المتأخر، وحتى عصر الانتقال.

و كمان من المقرر ان المتحف يستقبل 4 آلاف زائر كل يوم بحد أقصى، والهدف من التشغيل التجريبي النهاردة هو تقييم جاهزيته لاستقبال الجمهور، وتحديد أى نقاط تحتاج إلى تحسين، وهيتم تحديد موعد الافتتاح الرسمى للمتحف لاحقا من قبل رئاسة الجمهورية.

والدكتور عيسى زيدان المدير التنفيذي للترميم ونقل الآثار بالمتحف المصري الكبير، قال  في تصريحات إنّ بداية التشغيل التجريبي للمتحف المصري الكبير يُعد أكبر صرح ثقافي حضاري تقدمه الدولة للبشرية في القرن 21.

وكمان زيدان قال إن قاعات العرض الرئيسية في المتحف بتحكي التاريخ المصري القديم ومنذ عصور ما قبل التاريخ، وبيضم موضوعات مهمة بتتكلم عن المجتمع والملكية والمعتقدات عند المصري القديم "