النجاح مش أرباح وخلاص .. CIB يصل العالمية بتأثيره المجتمعي "اللي مفيش زيه"
إزاي بنك مصري قدر يوصل للعالمية؟ وإيه اللي يخلي مؤسسة زي البنك التجاري الدولي CIB تحجز مكانها ضمن أقوى 10 بنوك في العالم في تأثيرها على المجتمع؟ السؤال ده يمكن مكونش وارد في بالك قبل كده، بس النهاردة لازم نسأل نفسنا: إيه اللي خلّى البنك ده يسبق مؤسسات عالمية ضخمة زي Alibaba وHoneywell ويكون الوحيد من إفريقيا في قائمة فورشن السنوية؟ وإيه السر اللي خلى CIB يحصد الجوائز العالمية ويتفوق في مجالات مش بس مالية، لكن كمان اجتماعية وبيئية؟
البنك التجاري الدولي CIB قدر يثبت نفسه مش بس على الساحة المحلية، لكن كمان على المستوى العالمي.. وكل يوم بيأكد البنك إنه مش مجرد مؤسسة مالية بتهدف للربح ولكن كيان بيحركه رؤية أكبر لتحقيق تأثير إيجابي على المجتمع.. والدليل؟ حصوله على المركز التاسع عالميًا في قائمة "تغيير العالم" السنوية اللي بتعدها مجلة فورشن العالمية .. القايمة دي مش بتيجي من فراغ، دي قايمة بتشمل 52 شركة من كل أنحاء العالم أحدثت تأثير كبير على المجتمع أو البيئة من خلال استراتيجياتهم التجارية، وCIB كان البنك الإفريقي الوحيد اللي قدر يدخل ضمن التوب 10
لكن السؤال اللي بيطرح نفسه.. إيه اللي خلّى CIB يوصل للقائمة دي؟
السر مش في الأرباح أو المبيعات الضخمة بس، لكن في التزامه بالمساهمة في تنمية المجتمع والبيئة.. تخيل معايا إن البنك مش بس بيوفر خدمات مالية لكنه كمان بيحط استراتيجية واضحة لدعم القضايا الاجتماعية زي التعليم والصحة وتمكين المرأة.. وفي مبادراته المختلفة قدر يقدم حلول ملموسة ليه علاقة بمساعدة الأسر وتحسين جودة الحياة لملايين الناس..والقصة بالنسبة للتجاري الدولي مش مجرد أرباح مالية وخلاص لكن البنك بيركز على تمويل المشروعات اللي بتساعد في تطوير المجتمع وتقليل الفجوة الاقتصادية والاهتمام بالبيئة.
والبنك التجاري الدولي مش بس بيحقق نجاحات في القطاع المالي لكن كمان بيثبت إنه قادر يدمج بين الربح والمسؤولية الاجتماعية.. وده مش مجرد شعار دي حقيقة بتدعمها الجوائز العالمية اللي بيحصدها البنك في 2024 .. و بجانب المركز التاسع في التأثير الاجتماعي البنك حصل على جوايز تانية زي جائزة أقوى بنك في مصر، وفقاً لتقييم "TAB Global". ودي مش المرة الأولى اللي البنك يحقق فيها الجوائز دي
وطبعًا، كل ده متزامن مع الابتكار التكنولوجي لأن CIB كان من أوائل البنوك اللي استثمرت في التحول الرقمي.. وده ساهم في تقليل الاعتماد على الورق وتقليل الانبعاثات الكربونية.. يعني البنك مش بس بيفكر في إنه يبقى مربح لكنه كمان بيفكر إزاي يسيب أثر إيجابي على المجتمع اللي بيخدمه.
وده اللي خلّى مجلة فورشن تختاره وتديله مكانه وسط شركات عملاقة زي SpaceX وAlibaba.. وتقدرتقول كده ان البنك التجاري الدولي بقى نموذج للمؤسسات اللي بتجمع بين الربحية والمسؤولية الاجتماعية .. وده مش كلام إنشائي ده واقع معترف بيه محليا ودوليًا ومن مؤسسات ليها تقلها فى العالم كله.
