الأسعار مستقرة.. أنسب وقت لشراء الأجهزة الكهربائية

 
لو بتفكر تتجوز أو تفرش شقة جديدة وناوي تشتري الأجهزة الكهربائية، فإيه هو أنسب وقت لشرائها، وأسعارها دلوقتي عاملة إزاي.. هنقولك كل التفاصيل في الفيديو ده فتابعنا للآخر. 
 

الأجهزة الكهربائية جزء مهم جدا من فرش أي شقة سواء جديدة أو قديمة، عشان كده كلنا بنبقى حريصين على شرائها عشان مانقدرش نعيش من غير بوتاجاز أو غسالة وكمان التلاجة والتلفزيون.

وبالنسبة لأسعار الأجهزة المنزلية، فهي دلوقتي بتشهد حالة من الاستقرار، وده بيرجع لعدد من العوامل الرئيسية، أهمها استقرار سعر الصرف وتوافر الأجهزة بشكل جيد في الأسواق.

طب إيه هو الوقت المناسب لشرائها؟

بص يا سيدي، الوقت المناسب ده بيختلف من شخص للتاني بسبب الظروف الخاصة بكل واحد، ولكن نقدر نقول إن كل وقت مناسب للشراء ما دام المستهلك محتاج  للسلعة خاصة، وبنرشح لحضرتك انك تشتريها في فترات المناسبات والاحتفالات عشان بيبقى في عروض وخصومات عليها.

كمان، بيختلف الوقت المناسب للشراء حسب المواسم، زي التكييفات مثلا سوقها شغال في الصيف وضعيف في الشتا، كمان التاجر مايقدرش يعمل تخفيض إلا في حالة قيام المصنع بده، وممكن للناس تشتري  الأجهزة المنزلية خلال فترة الأوكازيون أو العروض بأسعار مخفضة، وغالبا التخفيضات اللي بتم بتكون على الخلاط والمكواة.

وقبل ما تشتري هنقولك على أسعار السوق وشوية نصائح عشان ماتتخمش.

دلوقتي، الأسعار ماشية بالنسبة للبوتاجاز بيبدأ من 9,000 جنيه وتصل إلى 18,000 جنيه لبوتاجازات الأمان التقليدية أو الكاملة، وفي المقابل، بعض الشركات بتقدم بوتاجازات تتراوح أسعارها بين 18,000 و25,000 جنيه، مع فروقات بتعتمد على مزايا وخصائص متقدمة.

والفريزرات فبتختلف حسب النوع، وبتتراوح أسعار الفريزرات الصندوق بين 7,000 و16,000 جنيه، أما أسعار الفريزرات الأدراج فتتراوح بين 9,000 و32,000 جنيه، وفقًا لحجم وسعة الجهاز.

أما أسعار المكانس الكهربائية 2024، بتبدأ من 3,132 جنيهًا لمكنسة ذات قوة 1500 وات وسعة 3.5 لتر، وكمان بيرتفع سعر المكنسة بقوة 2200 وات مع سعة 3.5 لتر ونظام تنقية مزدوج (فلترين) ليصل إلى 9,000 جنيه.

وبخصوص للمراوح، اللي سرعتها بيترواح  بين 900 جنيه و3,500 جنيه وفقًا لحجم المروحة وقوتها، أما المكاوي فسعرها بين 700 و3,200 جنيه.

كمان الثلاجات الشعبية بتبدأ  من 9,000 جنيه، وبتختلف الأسعار دي بشكل كبير بناءً على الشركات والأنواع المتاحة في السوق، حيث تتنوع الخصائص والمواصفات لتناسب احتياجات المستهلكين المختلفة.

والتكيفات اللي بقوة 2.25 حصان، تتراوح الأسعار بين 29,600 و47,250 جنيهًا، مع تسجيل بعض الانخفاضات التي تصل إلى 7,000 جنيه، أما التكييفات بقوة 1.5 حصان فتتراوح أسعارها بين 20,650 و28,545 جنيهًا، بينما تسجل التكييفات بقوة 3 حصان انخفاضًا طفيفًا في الأسعار، حيث تتراوح بين 40,000 و45,000 جنيه.

لكن قبل ما تشتري، خلي بالك، لازم تفحص  السلعة أو الجهاز كويس عند الاستلام، وتتأكد من كفاءة عملها، ووجود كل المواصفات المتفق عليها، وماتنساش تجربتها.

كمان، أعمل مقارنة لسعر السلعة ومواصفاتها باللي زيها الموجود في السوق واختار الأفضل وفقًا للميزانية بتاعتك، وماتنساش تشتري من مكان مضمون وموثوق، وتاخد فاتورة ضريبة مختومة عشان تضمن حقك..