روسيا تصدم مصر بتسعيرة القمح.. السيسي يضرب الدولار.. خطط الحكومة للقضاء على قائمة السلع الاستفزازية.. مفاجأة خاصة لـ14 مليون مصري

متابعينا الكرام أهلا وسهلا بكم ولايف جديد لأهم التقارير اللي قدمتها وحدة أبحاث بانكير على مدار اليوم النهاردة الأحد 13 أكتوبر 2024
 

البداية مع التقرير الأخطر النهاردة بخصوص تسعير روسيا للحد الأدني لسعر الطن وتأثير الأسعار الجديدة على واردات القمح الروسية

ولفت التقرير إن مصر أكبر مستورد للقمح في العالم وبتستهلك كميات كبيرة جدا من الحبوب سواء واردات حكومية أو للقطاع الخاص وبحسب الارقام واردات مصر من القمح سجلت أعلى مستوى قياسي  على الإطلاق خلال أول 6 شهور من العام اجاري 2024، وقفزت بن 34% بفضل ارتفاع حصة القطاع الخاص في مقابل حصة الحكومة

وشرح التقرير كمان إن مصر استوردت 7.5 مليون طن من القمح من بداية السنة ولغاية 15 من شهر يوليو اللي فات مقابل 5.6 مليون طن في الفترة نفسها من السنة اللي فاتت..

ولفت بانكير إن مصر بتستهلك حوالي 21 مليون طن قمح في السنة وبتنتج منها حوالي 9 مليون طن يعني بنتكلم في حوالي 12 مليون طن بتسووردهم مصر في السنة عشان تكفي الاستهلاك ودا رقم مرعب طبعا.

وشرح بانكير إن روسيا استغلت أنها أكبر سوق لتصدير القمح في العالم وقررت تدخل في تحديد الحد الأدنى السعر ومايقلش عنه  وهو 250 دولارا للطن على أساس التسليم على ظهر السفينة .

وقال التقرير إن اعتماد 250 دولار كحد أدني للطن.. معناه زيادة كبيرة جدا في فاتورة الاستيراد لمصر لأن مصر مثلا اشترت الطن في أول السنة ب219 دولار وبأقل من كده في أوقات كتير يعني بنتكلم في اكتر من 31 دولار زيادة في السعر عن كل طن.

منصات بانكير قدمت تقرير مختلف النهاردة بخصوص حل السيسي السحري لأزمة الدولار..

ولفت التقرير إن الاقتصاد المصري بيواجه تحديات كبيرة خصوصاً بسبب أزمة شح الدولار،  وإن الرئيس السيسي اقترح أكتر من مرة إن الحل الأساسي للخروج من الأزمة دي هو التصنيع..

وقال تقرير بانكير إن التصنيع بيعتبر العمود الفقري لأي اقتصاد قوي..و لما مصر تركز على التصنيع المحلي ده هيقلل الاعتماد على الاستيراد وده معناه إن الدولار اللي بنصرفه على المنتجات المستوردة هيقل… مش بس كده كمان لما نصنع منتجات محليا بجودة تنافسية نقدر نصدرها ونحقق دخل كبير من العملة الصعبة وده هيكون حل مباشر لتعزيز احتياطي الدولار في البنك المركزي.. يعنى هنضربعصفورين بحجر واحد نقلل فاتورة الاستيراد ونجيبعملة صعبة من التصدير

وقال بانكير إن الرئيس السيسي بيشدد دايماً على أهمية توطين الصناعة في مصر.. وده ليه أسباب كتير.. أولها إن مصر عندها بنية تحتية قوية وشبكة طرق وموانئ حديثة بتساعد على حركة البضائع بسهولة.. بالإضافة إلى إن مصر بتتمتع بموقع جغرافي مميز، بيسمح لنا إننا نصدر بسهولة لأفريقيا أوروبا والشرق الأوسط..و ده معناه إن المنتجات اللي هتصنّع في مصر هتلاقي أسواق مفتوحة تستقبلها.

وحدة أبحاث بانكير قدمت تقرير خاص بردو عن سر غضب السيسي من اهدارمليارات الدولارات “على الفاضي”  

وووضح التقرير إن الرئيس السيسي وخلال افتتاحه لمحطة قطارات بشتيل اتكلم بوضوح عن أزمة الدولارفى مصر .. وليه سعر العملة الأمريكية بقا غالى أوي كده .. وازاى ده أثر على أسعار كل السلع.

ولفت التقرير إن السيسي انتقد بشكل واضح استيراد عدد من اليلع الترفيهية غير الضرورية وقال انها بتستنزف الاحتياطي النقدي من العملة الأجنبية .. وشدد على إن البلد مش هتقدر تستمر في استيراد سلع بالشكل ده في وقت فيه أزمة في العملة الأجنبية، وقال بوضوح إن الكلام ده مش ممكن يستمر بالشكل ده لو عايزين فعلاً نخرج من الأزمة الاقتصادية دي.؟

وقال التقرير إن الأرقام اللي قالها الرئيس السيسي بتكشف إن فيه إمكانيات ضخمة لتوفير مليارات الدولارات سنويًا لو ركزنا على تقليل استيراد السلع غير الضرورية .. واستثمرنا في التصنيع المحلي… صحيح القرار مش سهل .. لكن الأكيد إن مصر عندها القدرة.. وعندها الفرص..  وعندها كمان السوق المحلي اللي ممكن يخلي التصنيع حل حقيقي لأزمة الدولار.

التقرير الأخير معانا في لايف النهاردة كان بخصوص مفاجأة من الحكومة للعمالة غير المنتظمة واللي بيقدر عددهم بـ 14 مليون هيستفادوا

وشرح بانكير إن الدولة المصرية بتبذل جهود كبيرة لمساعدة العمالة غير المنتظمة، من امتيازات ومنح ورعاية صحية واجتماعية وغيرها، عشان كده قررت وزارة العمل، ضم أول قائمة من عمال التراحيل في القاهرة إلى منظومة العمالة غير المنتظمة.

والخطوة دي، بتعتبر نقطة مضيئة لأنها هتحسن أوضاعهم لأنهم بيشتغلوا في ظروف غير مستقرة.

ولفت بانكير إن إداراج الحكومة للعمالة غير المنتظمة  هيتيح ليهم الاستفادة من عدد كبير من المزايا، واللي بتشمل الرعاية الصحية والاجتماعية، وصرف منح مالية، بالإضافة إلى التعويضات في حالة الإصابة أو الوفاة.

وأشار التقرير إنه من المقرر بداية من يوم الأحد الجاي، هتكون فيه لجان متخصصة من إدارتي العمالة غير المنتظمة والتدريب المهني، ومديريتي عمل القاهرة ومطروح، بالتنسيق مع هيئتي التأمينات الاجتماعية والتأمين الصحي، هتزور بعض المواقع للعمالة غير المنتظمة في العاصمة الإدارية الجديدة، ومشروع محطة الضبعة النووية، عشان تختبرهم وتستخرج شهادات قياس مستوى المهارة وتراخيص مزاولة الحرفة لهم بالمجان.

وشرح بانكير إن كل اللي بيحصل ده تأكيد من وزارة العمل على تنفيذ أهداف المبادرة الرئاسية "بداية جديدة لبناء الإنسان"، واللي من بينها التوسع في مد مظلة الحماية الاجتماعية والصحية للعمالة غير المنتظمة واللي بيقدور 14 مليون عامل