رسالة السيسي اللي هتقلب الصناعة والاستثمار.. عيب نستورد كل ده

عيب نستورد كل دا فين الصناعة المصرية والاستثمار وترجع تسألو الدولار غلي ليه.. دي كانت رسالة الرئيس السيسي النهاردة والل بيلوم فيها قطاعات الصناعة والاستثمار في مصر.. ايه اللي حصل

زي ما احنا عارفين إن الرئيس السيسي النهاردة افتتح محطة قطارات بشتيل العملاقة واللي هتحل محل محطة مصر الشهيرة في باب الحديد واللي هتنهي أزمة الزحام في ميادين رمسيس ووسط البلد.. وخلال عرض الفريق كامل الوزير وزير النقل والصناعة لجدوال المشتريات  الحكومية الرئيس السيسي قاله ارجع ياكامل وهات الجداول من تاني
الفريق كامل رجع وعرض جداول المشتريات من الخارج وهنا السيسي بدأ يقرأ الارقام والحقيقة كان باين في صوته الزعل ولسان حاله بيقول عيب ومايصحش نستورد كل الحاجات دي وفيها حاجات عادية جدا وإحنا عندنا صناعة واستثمار وعندنا أزمة عملة وارتفاع سعر الدولار.

الرئيس استنكر الارقام الكبيرة في الاستيراد في وقت ممكن نصنعها هنا في مصر وقال لو كل الحاجات أوأغلبها صنعناها في مصر هنوفر دولار وفرص عمل وتصدير والاقتصاد هينتعش وقال الرئيس إن رجال الاعمال أو المستوردين بيستسهلو ويستورودا من بره بدل ما يضيع وقته في شراء الارض وبعدها التراخيص واستيراد خطوط الانتاج ودا مش لازم يكون سياسة في الايام الجاية.

مصر حسب الجداول اللي عرضها كامل الوزير استوردت سيارات ب25 مليار دولار وومحمول بحوالي 10 مليار دولا وعطور وماء توليت ب440 مليون دولار
ومستحضرت تجميل ب400 مليون وشوكولاتة ب 400 مليون وورق فويل بحوالي 500 ملوين دولار وجبنة بمليار و200 مليون دولار ودا غير الأدوية وبقية السلع والحقيقة الأرقام كانت مستفزة لكن في نفس الوقت الرئيس رمى الكرة في ملعب رجال الصناعة والاستثمار ورجال الأعمال في رسالة واضحة تماما لكل المسئولين إن اللي  بيحصل دا مايصحش وطبعا رجال الأعمال والمسئولين في الصناعة والاستثمار فهمو الرسالة وعارفين هما هيعملوا إيه.
الرئيس عارف إن فيه شغل عظيم بيحصل دلوقتي في وزارة الصناعة وكمان في الاستثمار لكن رسالته النهاردة بتثقول إن دا مش كفاية خالص والارقام دي لازم تكون عكسية يعني بدل مانستوردها .. لا نصنعها ونرجع نصدر الفايض منها.