البنك المركزي ينجح في “المهمة الصعبة”.. السر في توقيت القرار

مصر زيها زي اي دولة في العالم عندها مصادر ثابتة للعملات الأجنبية، واحد من اهم مصادر دخل العملات الأجنبية لمصر هيا الودايع الدولارية للمصريين العاملين بالخارج.. ياتري الودائع وصلت لكام.. هل ارتفعت عن السنين اللي فاتت ولا لا
 

مصر واحدة من الدول اللي عندها عمالة كتيرة جدا في اغلب دول العالم، والعمالة دي الدولة بتعتبرهم مصدر من مصادر العملات الاجنبية، خصوصا أن شغلهم في دول العالم الخارجي بيكون بالدولار أو عملات البلد اللي شغالين فيها، وفي الفترة الأخيرة تحويلات المصريين العاملين بالخارج ارتفعت بنسبة 61.4% وسجلت 7.5 مليار دولار، وده بزيادة أكثر من الضعف عن التحويلات اللي سجلها المصريين العاملين بالخارج في نفس الفترة من 2023، واللي وصلت لـ4.6 مليار دولار.
طيب اية هيا اسباب ارتفاع تحويلات المصريين العاملين بالخارج؟.
الفضل في عودة ارتفاع تحويلات المصريين العاملين بالخارج هيا الاصلاحات الاقتصادية اللي قامت بيها الدولة علي مدار الشهور اللي فاتت وتحديدا في شهر مارس 2024، لما الدولة اخذت قرار بتحرير سعر صرف الجنية المصري مقابل الدولار بشكل مرن، والقرار ده كان هو حجر الزاوية اللي رجع تحويلات المصريين العاملين بالخارج لطبيعتها وكمان كان الضربة القاضية من الحكومة للسوق السودا في التجارة بالعملة خصوصا أن قضي علي وجود سعرين للدولار في مصر.
وزي ما أحنا عارفين ان مصر كانت قبل القرارات الاقتصادية الجريئة اللي اخذها البنك المركزي واللي كانت في 6 مارس 2024، كانت بتعاني معاناة شديدة جدا من ازمة نقص العملات الاجنبية في البنوك الوطنية خصوصا ان اغلب الدولار اللي كان بيدخل البلد وخصوصا من المصريين العاملين بالخارج كان بيروح السوق السودا بسبب ان سعر البيع فيها كان اعلي بكتير من سعر صرف الدولار في البنك المركزي، وبالتالي كان اي مواطن عنده حد شغال في الخارج بيروح للسوق السودا يبيع العملات اللي معاه علشان يستفيد من فارق السعر.
طيب ودايع المصريين في البنوك بالدولار وصلت لكام؟.
البيانات الرسمية للبنك المركزي اظهرت ارتفاع ودائع المصريين بالعملات الأجنبية في البنوك بأكثر من 4 مليارات دولار في الـ8 شهور اللي فاتو وسجلت 54.6 مليار دولار بنهاية أغسطس مقابل 50.5 مليار دولار بنهاية ديسمبر 2023.
بيانات البنك المركزي بينت، أن البنوك المصرية استقبلت مدخرات أجنبية بقيمة 800 مليون دولار في شهر أغسطس اللي فات واترتفعت أرصدة الودائع بالعملة الأجنبية من 53.8 مليار دولار في يوليو اللي فات  إلى 54.6 مليار دولار في شهر أغسطس اللي فات.
تقرير البنك المركزي المصري كشف كمان ارتفاع حجم الودائع تحت الطلب بالعملات الأجنبية بشكل هامشي لـ 13.07 مليار دولار بنهاية أغسطس مقابل 12.92 مليار دولار، وكمان حجم الودائع وشهادات الادخار ارتفعتى لـ 41.5 مليار دولار في نهاية أغسطس اللي فات.