كماشة مليارات ومنتجعات على الطريقة الإسباني.. لو مش مستوعب اللي بيحصل في رأس الحكمة شوف الفيديو دا

مش مجرد مشروع وخلاص.. ومحدش بيرمي مليارات الدولارات في الرمل.. الحكاية كبيرة ومحدش كتير مستوعبها.. اللي هيحصل في رأس الحكمة وهم وخيال على أرض مصرية

شفنا الرئيس السيسي والشيخ محمد بن راشد وهما بيعلنوا ضربة البداية في مشروع رأس الحكمة على أجمل شواطي البحر المتوسط واللي هيعمل مع العلمين الجديدة كماشة لمليارات الدولارات اللي هتدخل منطقة ساحل الشمالي كله بعد كده وملايين السياح اللي هيجرو على الساحل المصري في كل سنة .. دا لأن اللي بيحصل في مشروع راس الحكمة تقدر تقول عليه كده حاجة من خيال..

ليه بنقول كده.. بص ياسيدي أكتر من 35 في المية من مساحة لمشروع هيكون مساحات خضرا يعني بنتكلم في جنة جديدة على أرض مصر وكمان مجموعة مُدن القابضة الإماراتية، واللي تم تعينها  مطور رئيسي لمشروع رأس الحكمة على الساحل الشمالي، تعاقدت مع مجموعة فالديرما الإسبانية ودي شركة صاحبة أشهر نوادي الجولف في العالم وهي اللي بتدير أحد أشهر نوادي الجولف حول العالم في منتجع سوتوجراندي جنوب أسبانيا والتعاقد لإنشاء وإدارة ملاعب الجولف بمدينة رأس الحكمة طبعا دا معناه إن ملاعب الجولف واللي هتديرها الشركة الاسبانية هتعمد في اللعبة دولية وهستضيف كبرى بطولات الجولف العالمية ودي سياحة ولاد الذوات والمليارديرات.

كمان مدن القابضة اتعاقدت مع مطارات أبو ظبي لتصميم وتشغيل مطار رأس الحكمة الدولي وحسب الرسومات والمخططات  المطار الجديد هيكون  من أكبر وأهم المطارات بمنطقة البحر المتوسط وأفريقيا على مساحة 1785 فدان.

مصر ضمنت مليارات تانية من مشروع راس الحكمة ودا لأن المشروع هتشارك ف تنفيذه 3 شركات مصرية كبرى وهي
شركة "&e مصر" لتصميم وتنفيذ البنية التحتية للمدينة الذكية بما فيها شبكات الاتصال الرقمي والألياف الضوئية والجيل الخامس (جي 5)، وشركة أوراسكوم للإنشاءات كمقاول رئيسي للأعمال التمهيدية في مجال البناء وشركة السويدي إليكتريك لتوريد مواد البناء.

ودا غير إن  المشروع هتشارك فيه كبرى الشركات العالمية في قطاع التطوير العقاري زي شركة كاندي إنترناشيونال العالمية والمتخصصة في مجال تطوير العقارات الفاخرة وكمان شركات مونتاج إنترناشيونال وأكور - ينيسمور لتطوير وتشغيل الفنادق والمنتجعات في رأس الحكمة.

وفي القطاع الصحي تم توقيع مذكرة تفاهم مع
كمان شركة "برجيل القابضة" لتطوير مرافق رعاية صحية متعددة التخصصات، هتتولي القطاع الصحي في راس الحكمة وتنفيذ حلول الرعاية الصحية المبتكرة