مفاجأة في الطريق.. شوف أسعار الأجهزة الكهربائية وصلت لفين

بتدور على الأجهزة الكهربائية لبيتك الجديد؟.. أو عايز تجدد بيتك وتشتري مجموعة جديدة من الأجهزة؟.. طب يا ترى الأسعار دلوقتي وصلت لفين.. هل في زيادة ولا انخفاض الفترة الجاية في ظل تقلبات السوق دلوقتي، وإزاي تشتري حاجة مضمونة وبسعر مناسب.. هنقولك كل التفاصيل في التقرير ده فتابعنا للآخر. 
 

طبعا أسعار الأجهزة الكهربائية في السنين الأخيرة شهدت زيادة كبيرة جدا أو نقدر نقول إن سعرها بقى الضعف مرة واتنين وتلاتة بسبب الأزمات الاقتصادية اللي بتشهدها المنطقة دلوقتي، خاصة حرب غزة.

وفي ظل توتر الأوضاع السياسية، فالأوضاع الاقتصادية هي كمان بتتأثر بيها، عشان كده في سلع كتير سعرها رفع لأضعاف ومنها الأجهزة الكهربائية.

يعني انهاردة، متوسط أسعار الأجهزة الكهربائية اليوم في السوق المحلية، زي البوتاجاز بتبدأ من 9,000 جنيه وتصل إلى 18,000 جنيه لبوتاجازات الأمان التقليدية أو الكاملة، وفي المقابل، بعض الشركات بتقدم بوتاجازات تتراوح أسعارها بين 18,000 و25,000 جنيه، مع فروقات بتعتمد على مزايا وخصائص متقدمة.

أما أسعار الفريزرات فبتختلف حسب النوع؛ و تتراوح أسعار الفريزرات الصندوق بين 7,000 و16,000 جنيه، أما أسعار الفريزرات الأدراج فتتراوح بين 9,000 و32,000 جنيه، وفقًا لحجم وسعة الجهاز.

كمان أسعار المكانس الكهربائية 2024، بتبدأ من 3,132 جنيهًا لمكنسة ذات قوة 1500 وات وسعة 3.5 لتر، وكمان بيرتفع سعر المكنسة بقوة 2200 وات مع سعة 3.5 لتر ونظام تنقية مزدوج (فلترين) ليصل إلى 9,000 جنيه.

نيجي للمراوح، اللي سرعتها بيترواح  بين 900 جنيه و3,500 جنيه وفقًا لحجم المروحة وقوتها، أما المكاوي فسعرها بين 700 و3,200 جنيه.

وبخصوص الثلاجات، فالشعبية بتبدأ  من 9,000 جنيه، وبتختلف الأسعار دي بشكل كبير بناءً على الشركات والأنواع المتاحة في السوق، حيث تتنوع الخصائص والمواصفات لتناسب احتياجات المستهلكين المختلفة.

والتكييفات شهدت تباين ملحوظ حسب القدرة والحجم، فبالنسبة للتكييفات بقوة 2.25 حصان، تتراوح الأسعار بين 29,600 و47,250 جنيهًا، مع تسجيل بعض الانخفاضات التي تصل إلى 7,000 جنيه، أما التكييفات بقوة 1.5 حصان فتتراوح أسعارها بين 20,650 و28,545 جنيهًا، بينما تسجل التكييفات بقوة 3 حصان انخفاضًا طفيفًا في الأسعار، حيث تتراوح بين 40,000 و45,000 جنيه.

وقبل ما تشتري، هنقدملك شوية نصائح عشان ماتتخمش، واللي أولها انك تحدد الميزانية، ودي بتعتبر من أهم الخطوات اللي لازم تاخدها قبل شراء أي جهاز هو تحديد ميزانيتك بوضوح لأن دا هيوفر عليك قلق وتفكير كثير في سعر الجهاز، وهي هتساعدك في اتخاذ القرار بشكل أسرع وفي أسرع وقت.

عشان كده، لازم تسهل على نفسك، ياريت تعمل خطة مكتوبة ومقسمة بكل وضوح وتنظيم، فبالطريقة دي هتقدر تنظم ميزانيتك فلوسك حسب تفسيرك.

ولازم تغتنم الفرص والعروض، لأن في محلات كتيرة بتعمل تخفيضات وعروض على أسعارها في أوقات معينة من السنة، ماتفوتش الفرص دي أبدا وتابع العروض واسأل دايما عن مواعيد التخفيضات.