قرصة جوجل.. صدمة لصناع المحتوى

 
 
شركة جوجل النهاردة فاجئت صناع المحتوى بقرار صادم وغريب، وهو أنه مفيش فلوس هتتحول لصناع المحتوى في مصر بالدولار تاني، وكل الفلوس اللي جاية هتكون بالجنيه تعالوا نعرف ايه حكاية القصة دي..

ي خطة معمولة لدفع العائدات بالعملات المحلية حول العالم،  وعشان كده في قرار هيتم تطبيقة من 1 مايو 2025،
ومن اليوم ده Google هترسل الدفعات للمقيمين في مصر بالجنيه المصري، مش بالدولار زي ما كان بيحصل، واتقال كده بالنص في رسالة جت للناس كلها النهاردة ، لن ندفع العائدات بالدولار الأمريكي في مصر بعد الآن.
لو عندك حساب على يوتيوب أو مدير الإعلانات في مصر لازم هتكون وصلتلك الرسالة دي، وجوجل هتعملك حساب جديد هتستخدم فيه الجنيه المصري بداية من 1 أبريل 2025 الحساب هيكون متاح، وده لمواصلة تلقّي العائدات من AdSense و"AdSense لمنصة YouTube" وAdMob و"مدير الإعلانات" .
وممكن يكون مطلوب منك إضافة حساب مصرفي يستقبل الدفعات بالجنيه المصري لحسابك القديم.
الكلام ده معناه أن لو في طريقة دفع صالحة وأكتر من 25 دولار أمريكي في حساب الدفع، هيدفعلك اللي بيساوي المبلغ ده بالجنيه المصري.
وهيتم تحديد سعر العملة طبعا حسب سعر الصرف
طبعا القرار ده خوف كتاب المحتوى جدا من أن مرتباتهم تقل، لكن جوجل ردت على مخاوفهم وأكدت أنهم مستمرة في دعم صناع المحتوى والناشرين في مصر،

جوجل ليها تأثير في الاقتصاد المصري، وفي دراسة اتعملت قريب قالت أن جوجل ساهمت بحوالي 11.2 مليار جنيه مصري في الاقتصاد المصري في 2021، وكمان قنوات YouTube في مصر حققت إيرادات ضخمة  على أساس سنوي في سنة 2023.