القروض بقت إلكترونية.. المركزي يطلق خدمة مفاجأة

البنك المركزي المصري يظهر كده هيعمل لنا مفاجآت جامدة حدا الايام الجاية.. المركزي ناوي عليه وإيه الخدمة الجديدة اللي هيطلقها قريب أووي ..

البنك المركزي من شوية طلع بيان مهم جدا كشف فيه مفاجأت جديدة خاصة بالجنيه الرقمي والهوية المالية الرقمية وبعدها اتكلم عن مشروع الإقراض الرقمي.. أيوا زي ما سمعت حضرتك كده.. لو هتحتاج قرض بعد كده يبقي كله هيبقي رقمي ولا هتروح فرع ولا تدوخ في ورق وتوقيعات لان كله هيببقي الكتروني وهتخلص القرض من خلال محفظة الموبايل اللي في إيديك.

المركزي قال إن مشروع القرض الرقمي دا مشروع مهم جدا لتسهيل العمل المصرفي وضمن استراتيجية الشمول المالي وسرعة إنجاز الأعمال ومواكبة لغة العصر وبيهدف  إلى إتاحة الاقتراض الإلكتروني لعملاء محافظ الهاتف المحمول بصورة لحظية من خلال قناة مؤمنة بناء على السلوك الائتماني لهم يعني إيه..
شوف ياسيدي يعني انت من خلال القرض الالكتروني دا هتدخل من الموبايل وتطلب قرض وكل اللي هيعمله البنك هيدخل على السيستم البنكي ويستعلم عليك بشكل لحظي ولو لقي مشاكل في الاسكور بتاعك هنا هتبقي مشكلة والايسكور دا عبارة عن سجل أحوال لتعاملك مع البنوك وهل كنت ملتزم قبل كده في السداد لو خدت قرض ولا منت متعثر وبتأخر الدفعات ولو غير كده وأنت في السليم هتصرف القرض اللكتروني واللي هيتحولك على رقمك محفظة المحمول بتاعك .
طيب امتى مشروع القرض الالكتروني هيخلص؟
حسب البيان البنك المركزي شغال دلوقتي على مشروع القرض الرقمي أو الالكتروني وبالتعاون  مع الشركة المصرية للاستعلام الائتماني Score  ودا للانتهاء من الجوانب الفنية الخاصة بالمشروع واللي بعدها المواطن يقدر يقترض بصورة لحظية على مدار الساعة عن طريق محفظته الإلكترونية.

الموضوع طبعا مش ساهل لأن دي فلوس بنوك في الاخر عشان كده لازم هيكون فيه قواعد خاصة بالخدمة الجديدة زي الحد الادني والاقصى للاقتراض وحاجات تانية طبعا عشان البنوك تضمن فلوسها واللي هي في الاساس فلوس عملاء تانيين حطينها زي ودايع في البنوك.