اكثر من 27 مليار دولار.. مصر جابتهم ازاي خلال 8 شهور
كلنا عارفين أن زيادة الصادرات المصرية هدف حكومي في الوقت الحالي خصوصا أن مصر بتستهدف ضبط الميزان التجاري عن طريق زيادة الصادرات وتقليل الواردات..، السؤال بقي هل قادرة علي ضبط الميزان التجاري.. واية مؤشرات الخطة دي .. تعالو نشوف التفاصيل في الفيديو ده
مصر في الفترة الحالية مستهدفة زيادة الصادرات خصوصا أن مصر في الفترات اللي فاتت حصل عندها عجز كبير كبير في الميزان التجاري وكانت الواردات اعلي بنسبة كبيرة من الصادرات وده اللي عمل خلل في الميزان الاقتصادي، وبالتالي مصر دفعت ارقام كبيرة جدا علشان تستورد الحاجات اللي الشعب المصري بيحتاجها من بره.
طيب اللي اية عملته مصر علشان تعدل الميزان التجاري؟.
من بداية العام الحالي ومصر بدات انطلاقه حقيقة في كل القطاعات ومستهدفة بكل الطرقة زيادة الصادرات المصرية في كل المجالات وده فعلا اللي الدولة نجحت في لحد اللحظة دي وقدرنا نصدر نصدر سلع غير بترولية بقيمة 27.21 مليار دولار في الـ8 شهور الأولي من العام الحالي وده بزيادة أكثر من 3 مليار جنية عن نفس النسبة اللي حققناها في السنة اللي فاتت بنسبة نمو وصلت لأكثر من 10% .
البيانات الحكومية بينت ارتفاع صادرات مصر من الأدوية ومواد البناء والملابس الجاهزة والسلع الهندسية والإلكترونية والصناعات الغذائية والمفروشات ومواد البناء والمنتجات اليدوية والحاصلات الزراعية بمعدلات نمو تترواح من 6% إلي 31%، وتصدرت الصادرات من مواد البناء والصناعات المعدنية قائمة القطاعات الأعلى تصديرًا في مصر بقيمة 6.47 مليار دولار مقابل 5.66 مليار دولار في الفترة نفسها من 2023، بنسبة نمو 14%، ووفي المركز الثاني جه قطاع الكيماويات والأسمدة بقيمة صادرات 5.2 مليار دولار، وجه في المركز الثالث قطاع الصناعات الغذائية بإجمالي صادرات وصلت لـ 4.1 مليار دولار.
قائمة الصادرات المصرية تضمنت كمان زيادة صادرات قطاع السلع الهندسية والإلكترونية واللي ارتفعت بقيمة 3.6 مليار دولار بنسبة نمو 31%.، وكمان قطاع الحاصلات الزراعية دخل في القائمة وجه في المركز الخامس بقيمة 3.2 مليار دولار، بنسبة نمو 13%.
طيب اية اللي عملته مصر علشان ترفع قيمة الصادرات المصرية في الـ8 شهور اللي فاتت؟.
خلال الشهور اللي فاتت، الدولة اشتغلت علي كل السبل اللي هترفع قيمة الصادرات المصرية والبداية كانت من التعديلات التشريعية اللي الدولة قامت بيها، وفعلا حصل تسهيل وتعديل للتشريعات في مصر، وكمان تم توحيد شباك التعاملات للمستثمرين، ودلوقتي المستثمر بيخلص شغله والحاجات اللي محتاجها علشان يبدأ الاستثمار والتجارة الخارجية من نافذة واحدة، وكمان انتهي عصر الروتين،ده غير جهود ربط مصر بكل دول العالم عن طريق شبكة طرقة برية وبحرية ده غير المراكز اللوجيستية اللي عملتها الدولة المصرية في اغلب دول افريقيا واللي كانت واحدة من اهم محاور وصل الصادرات المصرية لاغلب دول افريقيا خصوصا أن التصدير لعدد كبير من دول افريقيا كان بيحتاج وقت كبير جدا علشان يوصل هناك في الوقت المحدد وعن طريق المراكز اللوجيستية دول البضائع المصرية بقت موجودة ومتوفرة وقت الطلب .
