حدث تاريخي.. إيه اللي هيحصل في مصر يوم 17 أكتوبر
يوم 17 اكتوبر هيكون يوم فارق في تاريخ مصر كلها هتفتكره ويوم هيفضل في ذهن الناس فترات طويلة خصوصا انه يحصل فيه حدث مهم جدا لكل الناس.. يا تري ايه اللي هيحصل في مصر اليوم ده.. خليكم معانا للآخر وهتعرفوا التفاصيل.
البنك المركزي المصري هيعقد اجتماع مهم جدا يوم 17 اكتوبر اللي جاي وحاليا كل الناس بتتكلم علي الاجتماع ده... ياتري هل البنك المركزي في اجتماعه هيعتمد قرار زيادة الفائدة ولا هيثبتها ولا هيرفعها ولا اية اللي هيحصل بالضبط خصوصا أن الاجتماع جاي بعد إجتماع البنك الفيدرالي الأمريكي واللي قرر تخفيض الفائدة بنسبة 50 نقطة .
إجتماع البنك المركزي المصري المرة دي مختلف عن كل الاجتماعات اللي فاتت خصوصا أن محدش عارف التوقعات رايحة علي فين، ومحدش قادر يحدد اذا كان البنك هيثبت ولا هيرفع ولا هيخفض، خصوصا قرارات البنك المركزي بتكون مرتبطة بعوامل التضخم .
طيب ايه هيا سيناريوهات التوقعات اللي جاية للبنك المركزي ؟.
اغلب التوقعات الحالية بتأكد أن القرار الأقرب لمسئولي لجنة السياسات النقدية للبنك هو تثبيت الفايدة وده هيكون واحد من القرارات اللي هتسجل رقم جديد في سوق العمل المصرفي خصوصا أنه في حالة تثبيت الفايدة هتكون المرة الرابعة والهدف من القرار ده هيكون للحفاظ على الأموال اللي تم ضخها من قبل المستثمرين خصوصا أن أسعار الفائدة في مصر بقيت مرضية لاغلب الناس اللي حاطة ودائع في البنوك، والتثبيت ممكن يكون سبب في جذب استثمارات جديدة داخل مصر.
في اتجاه كان للمسئولين في البنك المركزي هو تخفيض الفائدة ودا وارد بصورة كبيرة خصوصا بعد قرار البنك الفيدرالي الأمريكي بتخفيض الفايدة، وفي اراء كتيرة بتستبعد تطبيق القرار ده في الوقت الحالي وانه في حالة اتخاذ القرار ده مش هيكون دلوقتي وهيكون الوقت المناسب له في نهاية 2024 ومع بداية السنة الجديدة 2025 وتحديد من الاجتماع بعد اللي جاي للبنك .
طيب اية اللي حصل في آخر اجتماع للبنك المركزي ؟.
اخر قرار للجنة السياسة النقدية في البنك المركزي المصري واللي عقد في 5 سبتمبر اللي فات قررت الإبقاء على سعري عائد الإيداع والإقراض لليلة واحدة وسعر العملية الرئيسية للبنك المركزي %27.25 %28.25، %27.75 على الترتيب، وكمان قرر الإبقاء على سعر الائتمان والخصم عند %27.75 .
