الدولة تفتح ذراعيها للمستثمرين.. شوف كامل الوزير بيعمل إيه؟

 
ليه كامل الوزير، وزير النقل والصناعة، ونائب رئيس مجلس الوزراء، مهتم دلوقتي بملف المستثمرين، وايه هي محفزاته لرجال الأعمال عشان يقتحموا ملف الصناعة ويضخوا فلوسهم فيه، والأيام الجاية فيها إيه.. هنقولك كل التفاصيل في الفيديو ده. 
 

في الشهور الأخيرة، الفريق كامل الوزير نائب رئيس مجلس الوزراء للتنمية الصناعية وزير الصناعة والنقل، بيعمل زيارة أسبوعية لمقر الهيئة العامة للتنمية الصناعية، وبيكون حريص أنه يقعد مع المستثمرين ويحل مشاكلهم بشكل فوري، عشان يفتح الباب للاستثمارات في المجال ده.

عشان كده، الوزير قعد في الأيام الأخيرة مع اللواء عبد الفتاح سراج محافظ سوهاج، عشان يشوف التحديات اللي بتواجه المستثمرين الصناعيين بالمناطق الصناعية بالمحافظة، والإجراءات اللازمة لتذليل هذه التحديات.

ومن هنا، قال الوزير إن المناطق الصناعية بمحافظة سوهاج واللي بيبلغ عددها 9 مناطق صناعية، بواقع 6 مناطق تتبع ولاية الهيئة العامة للتنمية الصناعية، هي مناطق (غرب جرجا اللي بتقع على مساحة 1096 فدان، ومنطقة غرب طهطا اللي بتقع على مساحة 793 فدان، ومنطقة الكوثر اللي بتقع على مساحة 375 فدانا، ومنطقة الأحايوة اللي بتقع على مساحة 260 فدان، ومنطقة غرب مدينتي طهطا وجهينة اللي بتقع على مساحة  1525 فدانا)، ومنطقتين تحت ولاية هيئة المجتمعات العمرانية الجديدة، وهما (سوهاج الجديدة التي تقع على مساحة 500 فدان وأخميم الجديدة التي تقع على مساحة 63 فدان)، وده كله بالإضافة المنطقة الاستثمارية بالمطاهير اللي بتقع على مساحة  52278 فدان، والتي بتقع تحت ولاية الشركة القومية للتشييد والتعمير.

والوزير استعرض تخطيط كل منطقة صناعية من المناطق الصناعية بالمحافظة و قطع الأراضي المخططة والمخصصة والشاغرة بها والأنشطة المتواجدة بالمناطق الشاغرة وموقف المرافق بكل منها، وشدد بحل أن أي معوقات بتواجه المستثمرين أو بتتعلق بعدم وجود مرافق في عدد من المناطق الصناعية وتقادم المرافق في البعض الاخر، وعدم اجراء الصيانة اللازمة لها وعدم استكمال المرافق في عدد من المناطق، بالإضافة لحل مشكلة الطرق ووسائل المواصلات المؤدية إليها.

كمان، وجه الوزير بتشكيل جمعية للمستثمرين بكل منطقة صناعية عشان تتولى إدارة المنطقة وأعمال الصيانة والنظافة والتأمين بها، على أن تتولى محافظة سوهاج رفع كفاءة الطرق المؤدية للمناطق الصناعية دي، وتوفير وسائل نقل جماعي عشان تساهم في نقل العاملين من وإلى تلك المناطق بالتنسيق مع جهاز تنظيم النقل البري الداخلي والدولي.

ونقدر نقول، إن الهيئة العامة للتنمية الصناعية بتقوم دلوقتي بإجراء التنسيقات اللازمة مع كل الجهات المعنية عشان تزيل كل المعوقات في المناطق دي، مع التأكيد على ضرورة سحب الأراضي غير المستغلة واللي لم يتقدم المخصص لهم الأرض باتخاذ أي إجراءات خاصة بها وفقاً للمدد الزمنية المحددة والإجراءات اللي حددتها هيئة التنمية الصناعية.

كل الكلام ده، إيجابي حدا ومحفز، وبيؤكد على حاجة واحدة بس، وهي إن الدولة فاتحة ذراعيها للمستثمرين، والفريق كامل الوزير مكلف بهذا الملف لحد ما يبقي شريان أساسي لانعاش الاقتصاد المحلي.