هتبدا السنة اللي جاية.. الدولة هتعمل ايه في منظومة الدعم

الدعم الحكومي واحد من اهم الخدمات اللي بتقدمها الدولة لمحدودي الدخل، وفي الفترة الأخيرة زاد الكلام علي تحويل الدعم الي دعم نقدي... ياتري اية هو الدعم النقدي.. وهل الدولة هترفع الدعم تماما عن محدودي الدخل... خليكم معانا للآخر وهتعرفوا التفاصيل 

كتير سمعنا عن تحويل الدعم اللي بتقوم بيه الحكومة واللي موجه في الاساس الي طبقات من محدودي الدخل، وكمان هو الوسيلة اللي بتساعد الناس اللي دخلها محدود أو مش بيكفيها لشراء المستلزمات الاساسية للبيوت، والدعم ده بيدخل في حاجات كتيرة جدا هي بتعتبر من اساسيات كل بيت مصري، وأهمهم دعم السلع التموينية والعيش ودول طبعا حاجتين اساستين في كل بيت مصر ، ورفع الدعم عندهم هتكون ازمة كبيرة جدا في المجتمع .

طيب اية حكاية تحويل الدعم الحكومي لدعم نقدي.؟.
في جهود كتيرة جدا الدولة المصرية بتقوم الدعم الحكومي لتحويل منظومة الدعم لدعم نقدى علشان يوصل للطبقات المستهدفة وهي الطبقات محدودة الدخل وتحقيق العدالة الاجتماعية للمواطن المصرى . 
الدكتور مصطفي مدبولي رئيس مجلس الوزراء، قال إن مصر ممكن تبدأ في التحول من دعم السلع الأولية الأساسية لتقديم مساعدات نقدية مباشرة للمواطنين الأكثر احتياجا اعتبارا من السنة المالية الجديدة واللي بتبدأ من شهر يونيو 2025.
رئيس مجلس الوزراء كمل كلامه وقال أن مصر حاليا بتدعم السلع الأولية الأساسية، وفي اكتر من 60 مليون شخص بيحصلوا على سلع أساسية زي المكرونة والزيوت النباتية والسكر بأسعار مخفضة من منافذ البيع اللي بتديرها الدولة ويستفيد منها ما يقرب 10 مليون شخص تانيين على الأقل من الخبز المدعوم.

مدبولي اشترط بدء المرحلة الأولية للانتقال في السنة المالية اللي جاية من الدعم العيني إلي الدعم النقدي  بشرط التوصل إلى توافق في الآراء في الحوار الوطني اللي بيناقش مجموعة متنوعة من الإصلاحات الاقتصادية .
طيب الدعم الحكومي اللي بتقدمه الدولة اصلا بيوصل لكام؟.
إجمالي الدعم اللي بتخصصه الدولة من موازنة العام المالى الحالي وصل لـ 636 مليار جنيه، بيكونوا متقسمين علي 3 مراحل أولهم دعم عيني منهم 9 مليار جنيه وجهتهم الدولة للعلاج على نفقة الدولة وده اللي بيكون مخصصين للمصريين المستحقين واللي مش عندهم اي تأمين صحي.
الدعم الحكومي اللي بتخصصه الدولة مش بيوقف علي تغطيه العلاج علي نفقة الدولة بس لا ده كان بيدخل في خدمات توصيل الغاز للمنازل والإسكان الاجتماعيوخدمات التموين ودعم الشرائح الأولي في الكهرباء ودعم التعليم ومعاش تكافل وكرامة ومعاش الطفل واللي كلها خدمات مهمة جدا للمواطن المصري، ده غير دعم الصادرات وصناديق المعاشات وغيرها من الخدمات الاساسية اللي بتدعمها الحكومة .
وعلشان نكون عارفين أن الدعم الحكومة وصل لـ 5 خدمات بس بتقدمهم الحكومة للمواطنين في السنة اللي فاتت لـ 298 مليار جنيه قابلين للزيادة، منهم دعم منتجات بترولية بقيمه 154 مليار جنيه، ودعم خبز وسلع تموينية بقيمه 134 مليار جنيه، ودعم شرائح الكهرباء بقيمة 2.5 مليار جنيه، ودعم المياه بقيمة 1 مليار جنيه، ودعم قطاعات النقل بقيمة 2.4 مليار جنيه والـ5 قطاعات دول بيوصل نسبة الدعم فيها لـ 47% من اجمالي الدعم.