الملف الأحمر اللي اخترقه السيسي.. و2025 عام الانطلاقة الكبرى.. ومصير الدعم.. والمركزي يستضيف قمة مالية عربية

متابعينا الكرام في كل مكان أهلا وسهلا بكم وتحليل جديد لأهم التقارير اللي قدمتها وحدة أبحاث بانكير على مدار الساعة النهاردة الخميس 26 سبتمبر 2024

البداية بتقرير مختلف وخاص عن مفاتيح القوة الجديدة للاقتصاد المصري ونجاح مصر في تصنيع التكنولوجيا المحظورة

وقال التقرير إن كل اقتصاد في العالم فيه مفاتيح قوة خاصة بيه زي مثلا تكنولوجيا صناعة السيارات والغواصات الألمانية واللي سرها مايطعلش بره ألمانيا وزي تكنولوجيا الرقائق الالكترونية الأمريكة واللي مفيش دولة  تانية في العالم عارفة سرها وهي مصدر قوتها الاقتصادية.

وشرح التقرير إنه لغاية دلوقتي كان مصر متقدرش تقتحم مجالات الصناعة الدقيقة بسبب الحصار المفروض على سريتها وشح المعلومات عنها ولغاية ما قرر السيسي يكسر العقدة القديمة ويدخل مصر في مجالات الصناعات المحرمة.

وأضاف التقرير إن السيسي اعتمد في البداية على تأهيل الكوادر البشرية لأن مصر فيها شباب عباقرة وعشان كده كان لازم يتعلمو أفضلب تعليم متخصص وظهرت جامعة زويل بالتخصصات النادرة والكليات المتخصصة اللي تطلع خريجين يقدروا يعملوا فارق في قطاعات الصناعة والابداع واختراع تكنلوجيا مصرية خالصة في تخصصات نادرة.

وسلط التقرير الضوء على التخصصات اللي مصر اهتمت بيها وطورت مناهجها زي  تكنولوجيا الأطراف الصناعية والربوت وتكنولوجيا المعلومات  وتكنولوجيا الغاز والبترول والطاقة الجديدة والمتجددة .. وكمان بيدرسوا الميكاترونكس ودا فرع من فروع الهندسة الحديث وبيجمع بين تلاتة فروع للهندسة  في قسم واحد؛ وهما البرمجة والكهرباء والميكانيكا وبيعتمد هذا التخصص على جميع عمليات التصنيع الآلي أو التشغيل الآلي أي تحول الصناعات لطريقة إلكترونية مميكنة زي صناعة السيارات بالريبوت كده في المانيا من الالف للياء.
بجانب دراسة علوم الأوتوتروتكس ودا مجال من مجالات الهندسة بيتم فيه تطبيق المعرفة المتعلقة بالإلكترونيات الدقيقة والاتصالات عن بعد والروبوتات والمعلوماتية في قطاع السيارات

وشرح تقرير بانكير إن مصر اقتحمت كمان صناعة الرقائق الإلكترونية واشباه الموصلات وكمان صناعة الفضاء والطيران بكل أبعاده أنشأت مصر أول وأكبر وكالة فضاء في افريقيا ورغم أنها لسه حديثة لكم قدرت تصنع وتطلق أقمار صناعية 
 

منصات بانكير قدمت تقرير بيهم كل بيت في مصر وهو بيتكلم عن ملف الدعم والاتجاه الحكومي لتحويل دعم التموين إلى دعم نقدي.

وشرح بانكير إنه فيه تفكير واتجاه  لتحويل الدعم الحكومي لدعم نقدى علشان يوصل للطبقات المستهدفة وهي الطبقات محدودة الدخل وتحقيق العدالة الاجتماعية للمواطن المصرى . 
وقال التقرير إن الدكتور مصطفي مدبولي رئيس مجلس الوزراء، قال إن مصر ممكن تبدأ في التحول من دعم السلع الأولية الأساسية لتقديم مساعدات نقدية مباشرة للمواطنين الأكثر احتياجا اعتبارا من السنة المالية الجديدة واللي بتبدأ من شهر يونيو 2025.

رئيس مجلس الوزراء كمل كلامه وقال أن مصر حاليا بتدعم السلع الأولية الأساسية، وفي اكتر من 60 مليون شخص بيحصلوا على سلع أساسية زي المكرونة والزيوت النباتية والسكر بأسعار مخفضة من منافذ البيع اللي بتديرها الدولة ويستفيد منها ما يقرب 10 مليون شخص تانيين على الأقل من الخبز المدعوم.

التقرير التالي اللي قدمته منصات بانكير كان بخصوص توديع مصر لسنوات الأزمة ومستقبل الاقتصاد في 2025.

ولفت التقرير إن الوضع في المنطقة في طريقه للاستقرار والاقتصاد العالمي بدأ مرحلة التعافي والاقتصاد المصري مش هينافسه أي اقتصاد تاني في جذب الاستثمارات خلال الفترة الجاية بسبب الحوافز اللي بتقدمها الدولة وده وفق كلام التقارير الدولية عن حجم نمو كبير وتراجع متوقع في معدلات التضخم وزيادة كبيرة وغير مسبوقة فى الاستثمارات الأجنبية اللى هتدخل البلد واللى هتعمل طفرة غيرمسبوقة فى المعروض النقدي من العملات الأجنبية وهتقضي بشكل كامل على أزمة الدولار

ولفت التقرير لوكالة فيتش اللى رسمت فيه صورة متكاملة عن الاقتصاد المصري كانت كلها تفاؤل وثقة فى انه هيعبر الأزمة السنة الجاية من خلال استعراض توقعات لعدد من المؤشرات خلال العام 2025 وما بعده كشفت أن اقتصاد مصر ماشي على الطريق الصحيح نحو التعافى رغم التحديات الجيوسياسية .

وأشار التقرير إن فيتش أشادت بتراجع التضخم إلى أقل من 20٪ هيحفز البنك المركزى لبدء دورة تيسير السياسة النقدية  وان مصر فى 2025 هتعبر أزماتها الاقتصادية ودا اللي أكده صندوق النقد الدولي توقع هو كمان وتحقيق الاقتصاد المصري معدل نمو 5.1% في العام المالي  "2025/ 2026

ولفت التقري إن الدولة حاليا بتستهدف زيادة الاستثمارات الأجنبية المباشرة وبتحاول تقلل الاعتماد على المعونات او على الاقتراضمن الخارج .. عن طريق استقطاب كبرى الشركات العالمية اللي بتستغل مصر كمركز إقليمي للتصنيع والإنتاج والتسويق وفيه خطة الحكومة شغالة عليها للوصول بمعدلات الاستثمار الأجنبي المباشر الى اكتر من  20 مليار على الأقل في السنة.

التقرير الأخير اللي قدمته منصات بانكير كان بخصوص حدث مالي مهم جدا وهو استضافة مصر لاجتماع الدورة الاعتيادية الـ48 لمجلس محافظي المصارف المركزية ومؤسسات النقد العربية بالقاهرة، طبعا الاجتماعات دي مهمة جدا جدا لأنها بتضم كبار رجال المال والبنوك في العالم العربي كله.
ولفت التقرير إن الدكتورمصطفى مدبولي رئيس مجلس الوزراء، هو اللي هيفتتح الاجتماعات ومعاه المصرفي الكبير حسن عبد الله محافظ البنك المركزي المصري، وأيمن السياري محافظ البنك المركزي السعودي (ساما) رئيس الدورة الحالية، والدكتور فهد بن محمد التركي المدير العام رئيس مجلس إدارة صندوق النقد العرب  واللي بيتولي الأمانة لمجلس محافظي المصارف المركزية ومؤسسات النقد العربية.

وأوضح تقرير بانكير إن الاجتماعات هيشارك فيها كمان عدد كبير من محافظي البنوك المركزية العربية ورؤساء المؤسسات المالية العربية والدولية، بجانب مشاركة واسعة من كبار المسئولين والخبراء المصرفيين، وبعض سفراء الدول العربية بمصر.