هيبقى سيلفي فقط.. لو متردد تشتري دهب شوف الفيديو ده
خلاص السوق رايح على سكة اللي هيطلع ماينزلش والدهب ممكن يبقي للفرجة بس والسيلفي بعد اللي حصل.. ايه اللي حصل في الساعات الأخيرة في سوق الدهب وايه اللي هيحصل في الأيام الجاية واللي بيفكر يشتري دهب هيتصرف إزاي.. خليكم معانا للآخر وهتعرفوا التفاصيل
تقدر تقول كده إن الدهب ركب الصاروخ وطالع في العالي زي كل التوقعات ما بتقول وزي ما قلنا كتير قبل كده هنا في بانكير وقلنا إن سوق الدهب قبل 18 سبتمبر غير السوق بعد التاريخ دا وفعلا حصل ووصل سعر الدهب عيار 24 النهاردة 4114.25 جنيه للبيع، و4102.75 جنيه للشراء تقريبا ووصل
سعر عيار 22 حوالي 3782 جنيه للبيع، و3761 جنيهًا للشراء اما سعر الدهب عيار 21 الأشهر في محلات الصاغة عند متوسط 3610 جنيهًا للبيع، و3590 جنيهًا للشراء. ولسه الإسعار هتزيد اكتر واكتر للاسف لأن السوق المصري مرتبط بالعالمي وسعر الدولار ولو متابعين سعر الأونصة وصل مستوى قياسي في تعاملات الامس وعدى حاجز 2663 دولار للبيع..ولسه التوقعات بتقول هيوصل ل3 آلاف دولار يعني كده بنتكلم عن سعر الجرام في مصر ممكن يوصل 7و8 آلاف جنيه العيار 24 ومن 5و6 آلاف جنيه للجرام21 يعني الدهب هيبقي سيلفي من هنا ورايح بسبب ارتفاع أسعاره.
خبراء الاقتصاد قالوا ان تخفيض الفيدرالي الأمريكي لسعر الفايدة والتوترات الجيو سياسي في العالم واتساعها من أبرز العوامل اللي سببت الارتفاع القياسي لأسعار المعدن الأصفر ومع أول خفض لسعر الفايدة من الفيدرالي الأمريكي دفع كتير من المستثمرين سحب استثماراتهم من أدوات الدين الحكومي سواء سندات أو أذون خزانة والذهاب بها الي سوق الدهب الذي يعتبر ملاذ اَمن وهو ما أدى الي ارتفاع الأسعار.
كمان زيادة طلب البنوك المركزية العالمية على شراء الدهب وفي مقدمتهم الصين واللي بتعتبر واحدة من أكبر الدول اللي بتقبل على شراء الدهب ودا كان ليه تأثير كبير على السوق العالمي وارتفاع الأسعار، كمان ارتفاع معدلات التضخم دفعت الأفراد والمؤسسات في العالم الي الاستثمار في الدهب للحفاظ على قيمة العملة والمشكلة أن كل الأسباب دي اجتمعت في وقت واحد لازل مرة من سنين طويلة عشان كده كل التوقعات بتقول إن الدهب رايح في حتة تانية والاسعار في الصعود دائما لغاية 2026 بأقل التقديرات كمان
طيب هو الاستثمار في الدهب لسه متاح؟
طول ما فيه مساحة أن أسعار الدهب تزيد في المستقبل يبقي لسه فيه وقت للاستثمار ودا لأن الدهب استثمار طويل الأجل ومكسبه في تخزينه وبيعه مع حدوث ارتفاعات كبيرة والجنيه اللي حطيته في الدهب هترجعه 5 جنيه مثلا وعشان كده الدهب لسه له بريق والاستثمار فيه مربح طالما لسه السعر هيزيد وطالما انت مش مستعجل عليه.
