حكاية مشروع عالمي جديد في مصر

 
هو إيه اللي بيحصل في مينا الدخيلة وايه حكاية المشروع الضخم وسبب تكلفته العالية وليه هيغير صناعة قطاع النقل البحري في البحر المتوسط وليه كامل الوزير مهتمزجظا بالمشروع دي.. خلونا نشوف للآخر وهنعرف التفاصيل معاكم 
 
مشروعات النقل البحري واحدة من أهم الإنجازات اللي تمت في عصر الرئيس السيسي واهم المشروعات اللي تمت في تاريخ مصر الحديث واللي حصل في قطاع الموانئ المصرية بتكتب في التاريخ وإن اللي حصل مش مشروعات لبناء موانئ جديدة أو تحديث الموجود لكن اللي حصل إن مصر بنت بوابات اقتصادية على العالم بقت تقدر تنافس بيها في الأسواق العالمية وخلونا نأكد أن المواني مبقتش مجرد أرصفة تنزل وتشحن منها البضائع لمن بقت صناعة كاملة ووسيطة في سلسلة التجارة العالمية وخدمات التعهيد وبقت بتقوم عليها اقتصاديات كاملة في كتير من الدول وعشان كده السيسي قرر يعمل شبكة من احدث مواني في العالم تقدر تخدم على الاقتصاد المصري وفي نفس تدخل عملة صعبة عن طريق الخدمات اللي بتقدمها للسفن وشركات النقل العالمية.

ومصر عملت فعلا مجموعة من المواني والمناطق اللوجستية على طول سواحل البحر الأحمر والمتوسط عشان تحزم وتجذب كبرى شركات النقل البحري في العالم ودا حصل فعلا وبتأكده الأرقام وفي الساعات الأخيرة الفريق كامل الوزير نائب رئيس مجلس الوزراء للتنمية الصناعية وزير الصناعة والنقل كان حاضر حفل التوقيع بالأحرف الأولى على عقد منح التزام مشروع بناء وتطوير واستخدام وإدارة وتشغيل واستغلال وصيانة وإعادة تسليم البنية الفوقية لمحطة ومنطقة لوجستية لتداول وتصنيع البضائع الصب النظيف بميناء الدخيلة على مساحة 300 ألف متر مربع.
 
بيان وزارة النقل المصرية النهاردة كشف إن العقد بين الهيئة العامة لميناء الإسكندرية وتحالف شركات (ميديترانيو للتجارة ـ السويدى للاستثمار - لات للتجارة والملاحة ـ الشركة القابضة للنقل البحري والبري) يعني مع تحالف عالمي تقيل ودا بيكشف لينا حجم المشروع وأهميته وازاي ضمن خطة شاملة لتطوير منظومة النقل البحري المصري والموانئ البحرية ومن بينها الهيئة العامة لميناء الإسكندرية، تحقيقا للرؤية الاستراتيجية للقيادة السياسية التي تهدف لتحويل مصر إلى مركز إقليمي للنقل واللوجستيات وتجارة الترانزيت ودا الهدف النهائي حضرتك من إنشاء وتطوير المواني المصرية انك تكون بلد محوري للتجاره العالميه اللي ماشية في المنطقة كلها ومركز للتداول والشحن والتفريغ والتخزين كمان وإعادة الشحن ودي كلها خدمات بتدخل مليارتت الدولارات ودا غير أن مصر بتحقق وتحافظ على الأمن القومي الغذائي.

وزير النقل قال أن مشروع إنشاء محطة الصب الجاف بميناء الدخيلة  بيهدف  إلى زيادة الطاقة الاستيعابية للتداول والتخزين للحبوب والغلال خصوصاً الأقماح والذرة وفول الصويا ومن المخطط أن يضيف المشروع طاقة استيعابية تقديرية من 6-7 مليون طن / سنة.

طيب تكلفة المشروع كام ؟
شوف حضرتك المشروع في الأساس بيقوم على فكره تصنيع البضائع الصب داخل المحطة لإنتاج السلع المحورة بكفاءة عالية لخدمة الأسواق المحلية والتصديرية وإنشاء قاعدة صناعية تنافس الدول المصدرة للبضائع المماثلة المحيطة في خدمة دول منطقة الشرق الأوسط وإفريقيا ووصلت التكلفة الاستثمارية للمشروع نحو 450 مليون دولار.

وأضاف الوزير أن تنفيذ ذلك المشروع يتم في إطار الخطة المتكاملة لتطوير ميناء الإسكندرية الكبير والتي تهدف باكتمال المشروعات المختلفة سواء المرتبطة برفع الطاقات الاستيعابية أو تدعيم القدرات التشغيلية للوصول بهيئة ميناء الإسكندرية الى طاقه استيعابيه تتجاوز 120 مليون طن سنويا من مختلف أنواع البضائع مع تحقيق التكامل والترابط مع مختلف المشروعات بالموانئ المصرية الأخرى وأيضا الربط الكامل مع وسائل النقل متعددة الوسائط البرية والنهرية والسكك الحديدية.