مفاجأة ديسمبر السارة.. إيه اللي بيحصل في دولاب الحكومة ؟

 
خلاص باقي أقل من 15 يوم ومصر تستقبل مفاجأة سارة من صندوق النقد الدولي وحاليا عدد كبير من الوزارات بيحضر نفسه وبيجهز ملفاته لزيارة مهمة .. فيا ترى ايه المفاجأة المنتظرة لمصر؟ وايه الملفات اللى بيتم تحضيرها ؟ وايه تفاصيل الزيارة المهمة اللي هتتم بحد أقصى على نص أكتوبر؟ 
 
خلال ايام وهتوصل مصر بعثة من صندوق النقد الدولي لاجراء المراجعة الرابعة لبرنامج التمويل اللى مصر اتفقت عليه مع الصندوق فى ديسمبر 2022 بقيمة 5 مليار دولار تم رفعها الى 8 مليار دولار فى مارس اللى فات ..وبناء على المراجعة الجاية مصر هتتمكن من صرف شريحة كبيرة من القرض هتوصل الى مليار و300 مليون دولار وده رقم مع التدفقات الدولارية الكبيرة اللى بتيجي ممكن يعمل انفراجة كبيرة فى أزمة نقص العملات الأجنبية اللى مصر بتعانى منها فى اخر 3 سنين. 
طب ايه اللى بيحصل فى الكواليس .. وهل المراجعة الرابعة ممكن تتمرر بسرعة ولا هتاخد وقت زي المراجعة التالتة؟ 
حاليا الوضع بين مصر وصندوق النقد بقا أفضل بكتير من قبل كده .. ومن فترة قريبة أعلن الصندوق  تخفبف عدة شروط في حزمة الدعم المالي البالغ 8 مليار دولار المقدمة إلى مصر ومنها السماح للحكومة بمزيد من الوقت لتنفيذ الإصلاحات
كمان الصندوق وافق على تأجيل نشر عمليات التدقيق السنوية على الحسابات المالية اللي بيصدرها الجهاز المركزي للمحاسبات لنهاية نوفمبر بدلاً من الموعد الأصلي في نهاية مارس اللى فات مع انتظار تعديل القانون اللى بيحكم عمل الجهاز فى مجلس النواب. 
وسمح الصندوق بتأجيل إعداد خطة إعادة رسملة البنك المركزي ا للي كان من المقرر إعدادها في نهاية أبريل اللى فات  لإعطاء السلطات مزيد من الوقت لتقدير حجم رأس المال الجديد المطلوب ووضع استراتيجية.
وكل التطورات دي هتخلى الموافقة على المراجعة الرابعة لقرض ال 8 مليار أسهل وأسرع بكتير من المراجعة التالتة اللى تم تأجيلها أكترمن مرة .. وبنسبة كبيرة هتنتهى البعثة من مراجعةكافة الملفات والبيانات المطلوبة فى موعد أقصاه نهاية اكتوبر وهيعرض التقرير بتاع البعثة على اجتماع المجلس التنفيذي للصندوق فى شهر ديسمبر المقبل وبنسبة كبيرة هيتم تمرير الموافة على المراجعة وصرف الشريحة الراعبة فى الاجتماع ده 
طب ايه تأثير صرف الشريحة على الاقتصاد؟ 
خد بالك الفكرة من قرض الصنجوقمشقيمته بس ولكن موافقته على اقراض دولة بعينها بتعتبر زيشهادة ثقة فى الاقتصاد بتاع الدولة وفى قدرته على الوفاء بأى التزمات خارجية ولو تلاحظمصربعد موافق الصندوق على برنامجها التمويلي قدرت تاخد قروض وتمويل من جهات تانية زي البنك الدولي والاتحاد الاوربي ومؤسسات دولية تانية