بـ 500 ألف جنيه.. تفاصيل وموعد تسليم شقق الإسكان الاجتماعي الجديدة 2024
الكلام كتر عن شقق الإسكان الاجتماعي الجديدة، وناس كتير بدأت تدور على جوجل عن خطوات التقديم وأسعار أول مقدم والأقساط كمان هتبقى على كام ولكام سنة، خاصة لأن ده هيكون أكبر طرح لوزارة الإسكان بواقع 70 ألف وحدة سكنية، وعشان كده هنقولك كل اللي أنت عايز تعرفه عن شقق الإسكان الجديدة، فتابعنا للآخر.
في الأيام الأخيرة، وزير الإسكان زف بشرى سارة للمصريين، وكانت عبارة عن طرح جديد بيشمل 70 ألف وحدة سكنية ضمن مشروعات شقق الإسكان الاجتماعي لمحدودي ومتوسطي الدخل 2024.
والشقق دي هتكون لمحدودي ومتوسطي الدخل، وهتكون بسعر ملائم وبشروط ميسرة، وكمان متاح التمويل العقاري يعني تقدر تستلف من البنك وتقدم على الشقة، أما مواقعها فهتكون في المدن الجديدة والمحافظات.
ولو حضرتك ماتعرفش، فالطرح ده عبارة عن فرصة ذهبية للبسطاء، لأن شقق الإسكان المقرر الإعلان عنها خلال الفترة الجاية، هتكون مقسمة كالتالي:10 آلاف وحدة لمتوسطي الدخل و60 ألف وحدة لمحدودي الدخل.
أما موعد فتح حجز شقق الإسكان الاجتماعي لمحدودي ومتوسطي الدخل 2024، فهيكون في شهر نوفمبر اللي جاي علما بأن نص الوحدات السكنية المطروحة هتكون في المدن الجديدة اللي بتطورها الدولة، أما النص التاني هيكون في المحافظات والمناطق القديمة.
ومن هنا نقدر نقول إن فيه تنوع في التوزيع وده هدفه تلبية احتياجات السكان في مختلف المناطق، سواء الناس اللي عايزة تسك في مناطق جديدة أو في أماكن قريبة من محيطهم الحالي.
عشان كده الفترة الجاية، هتشهد إعلانات متتالية وكتيرة يخصوص تسليمات شقق الإسكان للحاجزين، وهيتم الالتزام بالجدول الزمني لتنفيذ الوحدات السكنية لحد ما يتسنى وضع خطة للتسليمات.
وزير الإسكان، علق وقال إن هدف الوزارة خلال الفترة الحالية هو تنفيذ مجتمعات عمرانية متكاملة، مش همزات سكنية فحسب، بمعني تنفيذ كافة الخدمات بالتوازي مع تنفيذ العمارات السكنية، وأنه تم وضع خطة مكثفة لتسليم شقق الإسكان السابقة، مع التأكيد على ضرورة الالتزام بتسليم منطقة سكنية مكتملة الخدمات والمرافق الخدمية والتنموية، بحيث تشكل مجتمع متكامل، وقال كمان إن بنهاية سنة 2025 هيتم تسليم كافة الوحدات السكنية.
طب يا ترى إيه هي مواصفات الشقق دي؟
بص يا سيدي، الشقق دي هتكون عبارة عن شقق جاهزة للتسليم في المحافظات والمناطق القديمة في حين أن بعض الوحدات في المدن الجديدة هتكون جاهزة للتسليم بعد 3 سنين.
وهيتم تسليم الشقق كاملة التشطيب، يعني هتكون جاهزة للسكن مباشرة بعد الاستلام، والعمارات هتكون من 6 طوابق، وكل طابق يحتوي على 4 وحدات سكنية، ومساحة الشقة حوالي 90 مترًا مربعًا، وهي مساحة تعتبر مناسبة للعائلات الصغيرة والمتوسطة.
وشقق محدودي الدخل، مساحتها بين 75 إلى 90 مترًا مربعًا، وبتحتوي على غرفتين أو ثلاث غرف، أما شقق متوسطي الدخل واللي بتُعرف بمشروعات «سكن مصر» و«دار مصر»، بتتراوح المساحات من 100 متر إلى 150 متر.
وفي «سكن مصر»، هتكون مساحات الدور الأرضي 108 أمتار والأدوار المتكررة 118 مترًا، أما «دار مصر»، فتتراوح المساحات بين 100 و150 مترًا.
وأخيرا الأسعار، أسعار الشقة في الطرح الجديد، لمحدودي الدخل قريبة من 500 ألف جنيه، لكن لحد دلوقتي الحكومة ما أعلنتش السعر رسمي..
