الجنيه يتجاوز “أحزان أغسطس”.. وضربات موجعة للدولار
يا ترى ايه اللي حصل فى سوق صرف العملات الأجنبية من شهر أغسطس ولحد دلوقتى؟ وإزاي الجنيه قدر يصمد في واحدة من أصعب الأوقات ؟ وليه كل التوقعات بتقول ان سعر الدولارهيتراجع بشكل ملحوظ خلال الفترة الجاية؟
في شهر أغسطس اللي فات اتعرض الجنيه المصري لواحدة من أهم وأخطر الأزمات اللى قابلها فى اخر كام سنة مع بدءتخارج جزءمن الأموال الساخنة من السوق نتيجة أحداث عالمية مهمة كان أهمها القلق اللى حصل فى بورصة اليابان والاضطربات الجيوسياسية اللى كانت بتمر بيها المنطقة نتيجة تصاعد التوتر بين اسرائيل وايران على خلفية اغتيال اسماعيل هنية .. ولأن الأموال الساخنة بطبيعتها أموال غير مستقرة وبتهرب وقت الأزمات خرج منمصر مبلغ يقترب من ال 2 مليار دولار ومع الانياء والاشاعات اللى كان بيتمتداولها وقتها عن عودة السوق السودا للعملة بدأ الدولار يقفز فى البنوك المصرية لدرجة انه فى يوم واحد ارتفع جنيه مرة واحدة
وردا على الاشاعات الكتير طلع وقتها الدكتور مصطفى مدبولى رئيس الحكومة واعلن ان حجم الموال اللى خرجت قليل جدا ولايدعوا اطلاقا للقلق وقال ان نسبة الأمول الساخنة اللى تخارجت من سوق المال لا تتخطى من 7 الى 8% من حجم الأموال الموجودة فى مصر.
طب ايه اللى حصل بعدها ؟
الجنيه المصري بدأ يسترد قوته وقفزات الدولار فى البنوك وشركات الصرافة المعتمدة تراجعت تماما وبعد ما كان سعر الدولار وصل الى مستويات تقترب من ال 50 جنيه تراجع مرة تانية الى أقلمن 48 جنيه وكمان فيه توقعات انه ينزل عنكده الفترة الجاية مع زيادة التدفقات الدولارية
وايه اللى حصل خلا الجنيه يسترد جزء كبير من قيمته ؟
فيه تغيرات جذرية كبيرة حصلت فى المشهد خلت الجنيه يصمد ويقف بقوة فى وجه الارتفاع الجنوني للدولار أهمها طبعا زيادة التدفقات الدولارية من أكتعر من مصدر وعلى راسها تحويلات المصريين بالخارج .. ووفقا لآخر تقرير للبنك المركزي ارتفعت تحويلات المصريين العاملين بالخارج خلال شهر يوليو 2024 للشهر الخامس على التوالي بمعدل 86.8% وسجلت حوالى 3 مليار دولار مقابل نحو 1.6 مليار دولار خلال شهر يوليو 2023، في سابقة لم يشهدها شهر يوليو من قبل منذ بداية رصد بيان تدفقات تحويلات العاملين بالخارج.
ومع الارتفاع الملحوظ فى تحويلات المصريين فى الخارج كان فيه تدفقات نقد أجنبي من أماكن تانية زي صندوق النقد والبنك الدولي والاتحاد الاوربي وكلده عملطفرة فى المعروض من العملة الأجنبية.
طب ليه فيه توقعات قوية بهبوط الدولار الفترة الجاية ؟
اللى متابع هيعرف ان الأمير محمد بن سلمان ولى عهد السعودية أمر من ايام قليلة بضخ5ملياردولار من صندوق الاستثمارات العامة السعودي فى مصر.. والمبلغ ده هيكون دفعة أولى يعنى فيه دفعات تانية هتدخل من السعودية خلال الفترة الجاية ..واى خبر ايجابي عن توافر الدولاربيكون ليه تاثير على سعر العملة الأمريكية فى سوق الصرف وبيساهمفى هبوطها بشكل ملحوظ
